دور قبریوه قربان یارالی باخ من زاره #اربعین_شاکر_تبریزی

اربعین
.
✍️ #زبدةالاشعار ✍️
.
🆔: @nohe_torki
.
مرحوم شاکر تبریزی
.
دور قبریوه قربان یارالی باخ من زاره
گلدیم بو بلالی چوله گوز یاشلی دوباره
.
.
قبرون نه گوزل طرزیله منظر دوشنوبدی
شش گوشه بیر اولدوز یره شش پر دوشنوبدی
حتماً ایاقون آلتینا اکبر دوشنوبدی
قرآندا کی یاقوتیله مرجاندی بو قبرون
باب اسف انجم و کیهاندی بو قبرون
.
.
مبهوتم ایدنده بو گوزل قبره نظاره
آی گون بیله پرتوفکن اولماز نه ستاره
قبروندی بو یا نوردن افلاکه مناره
ای رشگ ارم رایحه لی تربته قربان
انبوه ملک خادم اولان ساحَته قربان
.
.
باخ قزلاریوا گور نجه فریاده گلوبلر
بیدادین الیندن بو یره داده گلوبلر
ای غسل و کفن سیز دیمه که ساده گلوبلر
باخ گوزلرینون کاسه سینه غسل بدن گور
استبرق زلفیله پراکنده کفن گور
.
.
شاماته گیدنده بیزی آغلاتدیلا یولدا
هر ناقیه نچّه بالانی آتدیلا یولدا
اولدوز کیمی بعضی سی آخوب باتدیلا یولدا
زهراده که محسن نجه سقطه هدف اولدی
بیر اوغلون ئولوب محسن آدیندا تلف اولدی
.
.
یانموم نجه سینونده کی من اصغره قارداش
اصغر آدی شانینده شبیه اکبره قارداش
قونداقیده قانی سپیلن گویلره قارداش
هانسی صود امر بیر بالانون دایه سی اوخدی
تاریخ جنایتده بئله سابقه یوخدی
.
.
قارداش او حبیبوندی حبیب ابن مظاهر
حرّی آپاروبلا اودا انصاردی حاضر
عبّاسیم هانی هاردادی سرلشگرون آخر
دنیا نقدر وار گوره بولمز ائله افسر
کیمدی هم علمدار اولا هم آمر لشگر
.
.
لازمدی ابولفضل کنارینده یاتیدی
سرلشگرون ای شاه جواینده یاتیدی
همسایه اولوب ضلّ مزارینده یاتیدی
طومار محبتده آدوز بیر یازیلوبدی
قبری نیه قبروندن اوزاقدا قازیلوبدی
.
.
#اربعین_شاکر_تبریزی
#دور_قبریوه_قربان_یارالی_باخ_من_زاره
#ترکی
.
✍️ #زبدةالاشعار ✍️
.
🆔: @nohe_torki