زبدةالاشعار

مندن آیا نه گوروب ثانی ارذل زهرا #فاطمیه_امانی_اردبیلی

درد دلهای مولا علی (ع) بعد از شهادت حضرت زهرای اطهر (س)
.
.
.
حاج علیرضا امانی اردبیلی
.
مندن آیا نه گوروب ثانی ارذل زهرا
اِئویمی قتلگهَه اِئتدی مبدّل زهرا
.
.
من بیلوردوم کی چتین ثانی بیلر حقِّ نمک
سن ئوزون ایسته دون امّا آلاسان حقّیوی تک
یوخسا ایستیدی عم اوغلون نه قباله نه فدک
سنیدون حیدره مین باغیدن افضل زهرا
.
.
بی جواب اولمازیدی کوچه ده ثانی عملی
باغلانوب حیف اولا جبریله یداللهین الی
مصلحت قویمادی آچسون الین ال باغلی علی
یوخسا مین ثانی آچانمازدی سنه ” اَل ” … زهرا
.
.
سارالان گولّلره خاطر منه لازمدی گولم
گوزوم اشگیله دولی گولمه گه قادر دگولم
یانموشام شُعلُوَه پروانه کیمین ، ایندی کولم
قورودار گوللری گلزاریده کول ، گَل زهرا
.
.
کیمه بو دردی دِئیوم قالمیا سینمده اَلَم
چکیلوب گویلره یاسونده سنون قاره علم
یئِرین اوستونده گرک قبرُوَه گیزلینده گلم
نه گول الده دوتا بیلّم نه ده مشعل زهرا
.
.
دوزَرَم محنته ، گیزلین گَلَرم قبرُووَه من
صبر ائدَللر بو مصیبتده حسینیله حسن
بیلمورم نِینییَم آواره قالان زینبیلن ؟
آغلیاندا ائِلیور صبریمی مختل زهرا
.
.
اوندا کی زینبیمی غصّه سالار آیری حالا
دییرم قوی یوزووی سینه مه ، دردون آزالا
آنووُن خاطره سی دفنیدی سینمده بالا
نکته لر واردی بو جریاندا مفصل زهرا
.
.
ئوز قرا طالعیمه باخدوم ئوزوم یاندوم ئوزوم
هی دولور هی بوشالور گونده نماز اوسته گوزوم
گوز یاشم گوزده … ئورگ سینه ده … آغزیمدا سوزوم
هامی نفرین ائلیور ثانیه … اوّل زهرا
.
.
نجئه من گوزلریمی غصّه دن ابر ائیلمیوم
نینیوم دهریده سنسیز لیگه صبر ائیلمیوم
نینیوم سینه می آیا سنه قبر ائیلمیوم ؟
ایندی کی یوخدی سنه قبر مجلّل زهرا
.
.
دوقّوز ایل مسکن اولوبدی سنه پیغمبر اِئوی
دوقّوز ایلده طوی اِئدوب اولدی اِئوُون اِئولَر ائوی
اورا دشمنلره اَمنیدی ولی حیدر ائوی
اطاقی مَغسَل اولوب درگهی مَقتل زهرا
.
.
کیمی سندن سورا همدم ائله سین اشگ تریم
کیمی هم درد ائِلَه سین آهَ دِلِ نوحه گریم
ایندی بیر چاهیدی بیر سینه دولی غصه لریم
چاهی غمخوار ائله دیم غملره ، دینجل زهرا …
.
.
.
#فاطمیه_شهادت
#مندن_آیا_نه_گوروب_ثانی_ارذل_زهرا
#امانی_اردبیلی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  مرتضی غمینده گلمه سن چوخ نوایه زینب #حیدریه_علومی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی