بیرشه والادی علی النقی #الهادی_رمضانی_خاکی

مدح و شهادت امام هادی علیه السلام
.
✍️ زبدة الاشعار ✍️
.
🆔: @nohe_torki
.
روح الله رمضانی
.
بیرشه والادی علی النقی
عالی واعلادی علی النقی
وارث زهرادی علی النقی
هیکل تقوادی علی النقی
رتبه ده تنهادی علی النقی
عالمه مولادی علی النقی
.
.
قربان اولوم نام دل آراسینه
سرو یتشمز قد رعناسینه
غبطه گون ایلررخ زیباسینه
مات قالوب معجزانفاسینه
فوق مسیحادی علی النقی
عالمه مولادی علی النقی
.
.
بسکه خداوند حکیم ورحیم
رتبه سین اول حضرتین ایلوب عظیم
کیمدی اومولاکیمی اولسون کریم
درگهینون سائلی اولموش کلیم
رهبر موسادی علی النقی
.
.
ذات خداوندین اودی مظهری
ارض وسمانون دهمین رهبری
علم وعملده یوخ اونون بنذری
یاده سالاردی خود پیغمبری
مظهر طاهادی علی النقی
عالمه مولادی علی النقی
.
.
بیرده چتیندی اوشهه تای گله
دوغمیوب امثالین آنالار هله
دوی قاپیسین قوی سنه ویرسین صله
یوخ دئمز، هیهات گلن سائله
جودیده دریادی علی النقی
عالمه مولادی علی النقی
.
.
حورو ملائکدی ایاقین ئوپن
صحنینه مین شوقیله جاروچکن
جمله یارانمیشلارا اولموش علن
محترم اجدادی کیمی رجسدن
پاک ومبرادی علی النقی
عالمه مولادی علی النقی
.
.
واردی الونده هله فرصت بوگون
سعی ائله کسب ایله سعادت بوگون
سنده گل آل قول شفاعت بوگون
ایسته گذرنامه ی جنت بوگون
شافع فردادی علی النقی
عالمه مولادی علی النقی
.
.
خاکی گئدورکوی دل آراسینه
جنت الاعلای سامراسینه
بوسه ویرا مرقد زیباسینه
آغلیا قان غربت عظماسینه
بیکس وتنهادی علی النقی
عالمه مولادی علی النقی
.
.
آدی گلن لحظه ده گوزلردولور
غصه سینه قلبیلرالقان اولور
ماتمی چاتدی گنه گللرسولور
یاسه باتوب فاطمه زلفون یولور
عازم عقبادی علی النقی
عالمه مولادی علی النقی
.
.
.
#الهادی_مدح
#الهادی_شهادت
#بیر_شه_والادی_علی_النقی
#رمضانی_خاکی
#ترکی
.
✍️ #زبدةالاشعار ✍️
.
🆔: @nohe_torki