منیم وفالی همسریم آغلارام زهرا #فاطمیه_عینی_فرد

زبانحال حضرت علی (ع) در شهادت حضرت زهرا (س)
.
.
#سبک_بزم_عزاده_گیمیشم (واگیر : وای زهرا وای زهرا )
#سبک_ممد_نبودی_ببینی (واگیر: آه و واویلا … )
#سبک_بر_کشتگان_نینوا_اربعین_آمد
#سبک_ای_دلبر_آزادگان
.
.
حاج غلامرضا #عینی_فرد
.
منیم وفالی همسریم
آغلارام زهرا
بقیعده قالدی گوزلریم
آغلارام زهرا
.
.
بو زندگیده خیر یوخ فاطمه سنسیز
گوزیمده وار دیرسن اوخ فاطمه سنسیز
بوقان اورک داریخدی چوخ فاطمه سنسیز
ئورکده قالدی اللریم آغلارام زهرا
وای زهرا وای زهرا
.
.
.
.
بقیعده مجلس ایلرم هر گجه برپا
تک اگلشوب تک آغلارام دردیمه زهرا
سسیمه سس ویرر فقط ئوز سسیم تنها
آدون اولوبدی ازبریم آغلارام زهرا
وای زهرا وای زهرا
.
.
.
.
مزاریون داشین گلیب اشگیله سیلّم
ائشیتمه سم گوزل سسون غصّه دن ئولّم
گجه اولاندا قبریوه تک دوروب گلّم
یاران ساغالدی دلبریم آغلارام زهرا
وای زهرا وای زهرا
.
.
.
.
.
فلک الیمدن آلدی بیر باوفا همسر
سن اولماقیلا دهریده تک قالوب حیدر
الیم، دلیم، قاپیم، منیم باغلانوب یکسر
قرانلق اولدی گونلریم آغلارام زهرا
وای زهرا وای زهرا
.
.
.
.
قویاندا قبره جسموی کاش ئولیدیم من
بئلیم بوکولدی فاطمه بو مصیبتدن
قوجاخلیوبدی دیزلرین مرد خیبرکن
باتوبدی ماه انوریم آغلارام زهرا
وای زهرا وای زهرا
.
.
.
.
بلال شامیدن گلوب حیدره غمخوار
بیلوبدی ئولماقون سنون سینه سین داغلار
حسینه گه اذان دییر گه ئوپوب آغلار
موذن پیمبریم آغلارام زهرا
وای زهرا وای زهرا
.
.
.
.
حسین بلاله یالوارور ایلوری شیون
حزین سسیله ای عمو بیر اذان سسلن
آنام گلر ائوه اگر سن اذان وئرسن
داریخدی قلب مضطریم آغلارام زهرا
وای زهرا وای زهرا
.
.
.
.
حسینی ساخلاماق اولوب چوخ بیزه دشوار
یوخودا هی گورور سنی دیسگنوب آغلار
قبولی یوخ آناسینی ئولدوروب مسمار
دیور هایاندا مادریم آغلارام زهرا
وای زهرا وای زهرا
.
.
.
.
اولوبدی «عینی فرد» گِنه دیده لر گریان
دیور آنام وای آغلوری شاه مظلومان
علی دیلیجه یاز سوزون مطلعین باشدان
منیم وفالی همسریم آغلارام زهرا
وای زهرا وای زهرا
.
.
.
.
#فاطمیه_شهادت
#منیم_وفالی_همسریم_آغلارام_زهرا
#ترکی #فاطمیه
#زبدةالاشعار