منی یخوبلار ای شه زمن یارالی #اکبریه_خوندل_تبریزی

استمداد شاهزاده اعظم

.
#زبدةالاشعار
.
: @nohe_torki
.
مرحوم خوندل تبریزی
.
منی یخوبلار ای شه زمن یارالی
یارا ورار دوباره هر گورن یارالی
.
.
بابا اگرچه من یارالی بیر جوانم
وجودیمون آخوبدی قانی ناتوانم
خوشم که وصل گلشنیمده نغمه خوانم
اوزوم یارالی شیوۀ سخن یارالی
.
.
بابا بو قانلی عارضی بو رنگ آلى
چمنده گورسه گلرین سولار جمالی
آنام ایشتسه قامتی اولار هلالی
یخلدی سرو سرکش چمن یارالی
.
.
او رهروم که کوی عشقه رهسپارم
او عاشقم که مایل وصال یارم
او عندلیبم ای بابا اسیر خارم
دلیمده واردی نغمۀ محن یارالی
.
.
خزان یتیشدی سولدی بیر گلون چمنده
اولون عزالی ای بابا آنامدا سنده
داخی امید قالمادی حیاته منده
یخلدیم اوندا که عقابدن یارالی
.
.
یارالی باشیمون ز بس آخوبدی قانی
وجودیمی بابا ایدوبدی ارغوانی
گورن بو جسم زخمدار و خونفشانی
دیر دوشوبدی شاخ نسترن یارالی
.
.
قوروبلا انجمن منی سالوبلا دامه
محال بیرده من بابا گلم خیامه
وئریدی کاش بیر نفر خبر آنامه
گلوب گوریدی شمع انجمن یارالی
.
.
او قدر قان آخوب منی سالوب نفسدن
یاخونلاشوبدی آیریلا صدا جرسدن
آنام گله تاپار منی بو غملی سسدن
گورر جوانی جان ویرور بدن یارالی
.
.
بابا بهار گلشنیم بو گون خزاندی
بو حالتیله درک ایله منی اماندی
قالار نه حالته بابا سنه عیاندی
دوشنده دامه آهوی ختن یارالی
.
.
بابا آلوبدی دوره می سپاه کینه
ورار اوخ اوسته اوخ قلج قلج یرینه
بو حالی کاش بولمسون باجیم سکینه
بولار بو قدر ظلمه تشنه من یارالی
.
.
سو اولمادی سَپم بو گون بو شاهراهه
غبار یاتمیه گلنده پای شاهه
آنامدا گلسه بو صفالی قتلگاهه
گورر سمن یارالی یاسمن یارالی
.
.
#اکبریه_خوندل_تبریزی
#اکبریه_شهادت
#منی_یخوبلار_ای_شه_زمن_یارالی
#ترکی
.
#زبدةالاشعار
.
: @nohe_torki