من ابوالفضلم سخاوتده کرم دریاسیم #عباسیه_اخگر_مراغه_ای

کرم دریاسی
..
..
محمد اصغروند (اخگر مراغه ای)
..
..
من ابوالفضلم سخاوتده کرم دریاسیم
قانلی بیر معراج عشقین لیلة الاسراسیم
..
اولین عاشق حسینه زینب اولدی دهریده
گوردولر اوندان صورا من عاشق شیداسیم
..
زینب عاشقدور حسینه عالم عاشق زینبه
من رکابینده همیشه خادم یکتاسیم
..
مکتب سرخ شهادتده ابوالفضل آدلانان
یوسف زهرا یانندا عبدیم عبّاسیم
..
کیم حسینون جام عشقیندن دادا سر مست اولار
مخلصان بزمینون من ساقى صهباسیم
..
تشنه لر طالب سویا اولسا سو طالبدور منه
محور چرخ زمانون تشنه لب سقّاسیم
..
حق منه ائتموش عطا باب الحوائج لوحینی
واقف درد آشنای سرّ عاشوراسیم
..
پای شمعه پرلری یانموش دوشن پروانیم
اشگی رخساریمده همی الطافنون داراسیم
..
گورمیوبدور من کیمی بیر عاشقی چشم قضا
من حقیقت پنجه سینده تیغ جانفرساسیم
..
وادی نهر علقمه دوشدوم فراز عشقدن
باش یارا پیکر یارا عشقه شرف معناسیم
..
سکّۀ نام حسینه باش و قول جان وئرمیشم
بیر بئله بازار اولسا طالب سوداسیم
..
کیم حسینه آند وئرسه قویمارام دلگیر اولا
مشکلاتی حلّ ائدم مشتاق هر غوغاسیم
..
هر قزین آدی رقیّه اولسا من چوخ ایسترم
عاشق دخت حسینون سیّد والاسیم
..
کیم رقیّه عاشقی اولسا آلوبدور گویلومی
من او خاتونون اوجا بوی نخلۀ طوباسیم
..
هاتف غیبی هدایت ایلیوب «اخگر» یازیب
چون بو مخلص شاعرین من طالب انشاسیم
..
..
..
..
#عباسیه #اخگر_مراغه_ای #عباسیه_مدح #ترکی #زبدةالاشعار