من اربعینه دیلده محن گلمیشم حسین #اربعین_کریم_نصیری

اربعین
سوال و جواب
.
زبدة الاشعار
.
?: @nohe_torki
.
کریم نصیری مرندی
.
من اربعینه دیلده محن گلمیشم حسین
سس ویرموسن بو زاره ندن گلمیشم حسین
.
گزدیم دیارکوفه و شامی نه حالیلن
آلما خبر نه حالیله من گلمیشم حسین
.
بزم یزیده قولاری باغلی آپاردیلار
قوی پرده سیز دئیوم سوزی من گلمیشم حسین
.
گوردوم یارالی لبلریوه دیدی خیزران
قالدیم نه حاله یوخدی بولن گلمیشم حسین
.
پوزدوم اساس ظلمی دانشدیم حقیقتی
ایتدیم جماعت ایچره علن گلمیشم حسین
.
بازارشامیدن سنه سوغات آلانمادیم
دیداریوه بو کوینگیلن گلمیشم حسین
.
اما بو کوینگ اوسته او قدری دؤیؤلموشم
جسمیم اولوب مثال چمن گلمیشم حسین
.
شامه گیدنده من یاراوی باغلیانمادیم
غم چکمه ایندی مرهمیلن گلمیشم حسین
.
هانسی یاران چوخ آغروری قوی گوزیاشی توکوم
قبرینده بلکه دینجله سن گلمیشم حسین
.
اوچ پراوخون یری ساغالیب یا ساغالمیوب
دردین بوباغریقانه دئنن گلمیشم حسین
.
.
.
ششگوشه قبریدن یری وارگلسه بوصدا
آی دردغصه قوجالان زینب آغلاما
.
.
.
زوار اولوب مزاریمه خوش گلمیسن باجی
یوروقون باجی فراق اوخی قلبین بؤلن باجی
.
((ای اربعین قوناقی اوزون قویماتپراقا))
یاندیرما داغلی قلبیمی ای غم چکن باجی
.
غم چکمه قتلگهده منه آغلیانمادین
الان فراغتیله عزا دوتگیلن باجی
.
بیرشرطی وار دؤیؤلماقیوین سالما صحبتین
قولاردا قمچی ردّینی گورستمه سن باجی
.
سن باش یاراندا کوفه ده من آغلادیم سنه
گوردوم یاراوی باغلیا یوخدی گلن باجی
.
قانلی دوداقیله سنی ایتدیم دعا اوگون
عالم نه قدری واردی سن اسکیلمه سن باجی
.
قدّین ایله کمانه دونوبدور تانینمیسان
ای کاخ ظلمی زیر وزبر ایلین باجی
.
عباسیمون گوزوندن ایراق چوخ قوجالمیسان
ای سرو قدّی قارداشیما بنذیین باجی
.
بیرانقلاب ایدوبسن او گون شهرکوفه ده
کیم گوردی فکر ایدوب دانشیر بولحسن باجی
.
همت ایدوب آخان قانیمی قویمادون باتا
احسن بواهتمامیوه ای شیرزن باجی
.
.
بیر اربعین بو قبره #نصیری گر اوز قویا
بیر عمر دینجلر اورگی غصه دن باجی
.
.
.
#اربعین
#من_اربعینه_دیلده_محن_گلمیشم_حسین
#کریم_نصیری
#ترکی
.
#زبدةالاشعار
.
?: @nohe_torki