پندیات
–
✍️ زبدة الاشعار ✍️
?: @nohe_torki
–
احسان بدرخانی
–
من اهل صلحم عالمده عداوتدن خوشوم گلمز
خمیره مده خیانت یوخ خیانتدن خوشوم گلمز
–
جسارت اولماسین اهل #ادب چوخدوربومجلسده
ئوزومدن خردادا اولسا جسارتدن خوشوم گلمز
–
رقابت چخسا سیریندن عداوت ایلییر برپا
رقابت کشمه کش تاپسا رقابتدن خوشوم گلمز
–
ریا بازارینه گئتمم مسلمانه یالان ساتمام
بوآل وئردن بوباطل بیرتجارتدن خوشوم گلمز
–
عقیده مدورکه صورتده گرک سیرت عیان اولسون
منافق شخصیدن صدچهره ملتدن خوشوم گلمز
–
دوزانسانلان شریک اولام که حقی پایمال ایتمز
حریص انسانیلن اما شراکتدن خوشوم گلمز
–
چکر هردن شیاطین لر اوتورام بزم غیبتده
پشیمان اولام آخرچونکه غیبتدن خوشوم گلمز
–
منه اصرارائدردی بیرنفرگل شعری گلدن یاز
جوابینده دئدیم من بوکتابتدن خوشوم گلمز
–
دئدی میخانه لردن یاز که مستان جمع اولان یردی
دئدیم من مست عرفانم حماقتدن خوشوم گلمز
–
عمیقا اعتقادیم وارکه وحدت برقرار اولسون
ولیکن نیلیوم مصنوعی وحدتدن خوشوم گلمز
–
اصول دینمیزبشدوراوچ اولسا قصراولارمسلک
سوزی واضح دیوم ناقص شریعتدن خوشوم گلمز
–
اوکه قلبینده ایمان واربوبش اصله مسلماندی
یالاندان دم ویرا هرکیم دیانتدن،خوشوم گلمز
–
علینون غیرتیندن وارقانیمداشیعیم شیعه
شهادت افتخاریمدوراسارتدن خوشوم گلمز
–
گلندن دار دنیایه حسینه اعتقادیم وار
منه عشقیم وئرورفرمان سیاستدن خوشوم گلمز
–
قرا پرچم لره عرض ارادت ایلرم هرآن
طلاکوب اولساگرآیری علامتدن خوشوم گلمز
–
حسین معنای غیرتدی حسین روح عبادتدی
حسینسیز دهریده مین ایل عبادتدن خوشوم گلمز
–
حسینسیز جنت ورضوان علفسیز بیر بیاباندی
اگریانسامدا دوزخده اوجنتدن خوشوم گلمز
–
بودنیایه حسین ابن علینون بیرتوکون ویرمم
حسینه نوکرم تخت ریاستدن خوشوم گلمز
–
بو هیئتلرکه برپادی حسینون دولتینندی
جهانداآیری محفلده اقامتدن خوشوم گلمز
–
#پندیات
#حسینیه_مدح
#من_اهل_صلحم_عالمده_عداوتدن_خوشوم_گلمز
#احسان_بدرخانی
#ترکی
–
✍️ #زبدةالاشعار ✍️
?: @nohe_torki
نظر دهید