من بیر گناهکارم اوزوم قاره یاحسین #حسینیه_اعظمی_تبریزی

#یاحسین
.
#زبدةالاشعار
.
: @nohe_torki
.
مرحوم اعظمی تبریزی
.
من بیر گناهکارم اوزوم قاره یاحسین
ایله اوزون بو روسیهه چاره یاحسین
.
.
چوخ ایتمیشم خطا من بی دادخواه نئدیم
سن ائتمسن عطا منه گر نه علاج ائدیم
قؤوسان منی قاپوندان آقا بس هارا گئدیم
بو دردیمی دیینمرم اغیاره یاحسین
.
.
ناچیز بیر کسم دئمورم کامه یئتمرم
ائتسن قبول حسرت فردوس ائتمرم
بو آستانه دن منی قؤوساندا گئتمرم
سالدیم اؤزیمی من بو نمک زاره یاحسین
.
.
باشدان ایاقه غرق گناهم گواهسن
گیتدیم هارا قییت دیدیلر روسیاهسن
بولدوم گناهکارلره سن پناهسن
لطف ایله صاحب اول بو گنهکاره یا حسین
.
.
ای فاطمه عزیزی جگر گوشۀ رسول
سن ائتمه سن قبول منی کیم ائدر قبول
گل ایلمه رقیّه وه خاطر منی ملول
یوخ نسبتی اگر چه گُلون خاره یاحسین
.
.
باشوندا یاحسین سنون الطاف تاجی وار
نه تک منیم سنه هامونون احتیاجی وار
ایله علاج سنده بو دردین علاجی وار
ای چاره سیزلره ایلین چاره یاحسین
.
.
سن شهریار محرم راز حریم سن
وار سنده خُلق زادۀ خُلق عظیم سن
سن قوؤماسان گدانی قاپوندان کریم سن
عفو ایلسن کیم سنه یالواره یاحسین
.
.
بیر کیمسه تاپمادیم که اولا دردیمی قانان
فکر ایلدیم اولار گوره سن حالیمه یانان
گوردوم عزا دوتانلارا ایلور نظر آنان
منده اوزیمی قاتدیم عزاداره یاحسین
.
.
تندن منم غمونده عزا رختی سویمیان
سن جود چشمه سی سنه من تشنه دویمیان
ای اکبریله قاره قولا فرق قویمیان
لطف ایله شرمسارم اوزوم قاره یاحسبن
.
.
حق جاده دور بو یول سئچیلن بو یولی گئدر
بیر چشمه دور بو چشمه همیشه دولی گئدر
ناپاک گلسه بو درگهیوه پاک اولی گئدر
جانلار فدا اولا بئله درباره یاحسین
.
.
اشکیم یازوبدی صفحۀ رخساره بو سوزی
نوکر ویرنده جان آقاسین آختارار گوزی
جان وئرمرم دیر که آقام گلمسه اوزی
بیر مایلم جهاندا بو گفتاره یاحسین
.
.
گلسه اجل وقتینی قویماز گجه آقا
یالقوز قالام رضا اولاسان سن نجه آقا
تک قویما قبرده منی اول گئجه آقا
وار احتیاجیم اوندا بو دیداره یاحسین
.
.
گر لطفون اولسا دلده کی درده دوا بودی
آلسان شکسته گوگلومی لطف و عطا بودی
نه عزّ و جاه دلده اولان مدّعا بودی
سنسن گواه هر دل و اسراره یاحسین
.
.
جان اوسته لطف ایله چوؤرم قبله یوز سنه
تا جانسِتان گوروب سنی رحم ایلیه منه
آسان آلا بو جانی یتم بلکه ایمنه
مرهم تاپا دلده اولان یاره یاحسین
.
.
من «اعظمی» قاپوندا نه مدّتدی بیر ایتم
سن صاحبیم اگر اولاسان قویماسان ایتم
قوؤماز منی محبّت ایدر هر کیمه یتم
وار نسبتیم گورر کی بو درباره یاحسین
.
.
#حسینیه_اعظمی_تبریزی
#حسینیه_مدح
#من_بیر_گناهکارم_اوزوم_قاره_یاحسین
#ترکی
.
#زبدةالاشعار
.
: @nohe_torki