من حسین عشقینده درگیر اولموشام اِحساسی اَم #حسینیه_محمد_وهابزاده

شرحی در ویژگیهای حسینچی با اخلاص
.
#زبدةالاشعار
.
: @nohe_torki
.
محمد وهابزاده (عیار اردبیلی )
.
من حسین عشقینده درگیر اولموشام اِحساسی اَم
غرق احساساتِ عاشورائی ام وَسواسی ام
.
گر اولا وسواس عشقیمده نه غم بیمار اولام
دکتریم عباسیدور من طالب اَنفاسی ام
.
آتمیشام عقلین داشین دیوانه لیک لن یولداشام
بوندان ئوتری بعضی فکر ایلور که آس و پاسی ام
.
عشقیده لیلی و مجنون پرچمی بالاده دی
شهرت مجنونی فرض ائت من اونون بالاسی ام
.
شیشه سینسا تیز اولار دوغرار رگ و شریانلاری
شیشه نی من دوغرارام چون ریشه دن الماسی ام
.
کیم نه فکر ائتسه مُخیّردی نه سوز دِی قوی دِئسون
گئت مزاحم اولما کی من شیعهء سَیّاسی ام
.
کربلانی هر قدم گویلوم چکور تصویر ائدم
چون خیالاتیم قوی دور عاشق عکاسی ام
.
شاعر و نقاش و خطاط و هنرمندین ایشی
تک گرک بیر سوز اولا مشغولِ (خود شناسی ام)
.
.
ای جماعت کربلا بیر مطلبی نشر ایلدی
اتحاد عشق و عقلی گور نه محشر ایلدی
.
.
شیعه حقدن دم ویرارظلمی حمایت ایلمز
مسجد و هیئتده ناحق طرح غیبت ایلمز
.
دشمنینده اَرجحیّت گورسه ده اقرار ائدر
عُقده نی قلبینده یول وئرمز حسادت ایلمز
.
هر کسین بیر یرده استعدادی وار واضحدی بو
قابل اولسا سوز یازان شعرینده سرقت ایلمز
.
عاشق رأس بریده صاحب ادراک اولار
ساده و زیبا گلَر نشر قباحت ایلمز
.
قیلمیان ساده نمازین بی ادب پرخاش ائدن
ئولسه ده هیئتده حتی کسب عزت ایلمز
.
کیم عجین اولسا اگر رفتاری اسلامیّته
انتقاده باش اَیَر عمداً لجاجت ایلمز
.
یا اگر کافی سوادون یوخدی ئوز حَدونده قال
با سواد و عالِمه، عاقل، شماتت ایلمز
.
نقطه ضعفونده چوخدی فقهیده مجهول سن
هیچ دمیرچی گوهرین شاءنینده صحبت ایلمز
.
اوخشاماز هیچ ظاهر و باطنده عاقل مَسلکه
بیلمیین ئوز دردین اشخاصه طبابت ایلمز
.
چوخ مسائل ظاهرِ انساندا الله حکّ ائدوب
بنذیین شمره حسینه هیچ شباهت ایلمز
.
معرفت گرچه گرک ذاتونده اولسون ریشه سی
گئت تلاش ائت جهد ائله جاهد خیانت ایلمز
.
عهد و پیمان بیلمیین اخلاقی پایمال ائدر
گر بدهکار اولسادا ردّ امانت ایلمز
.
خوش گونوندی وار قباقدا چوخ چتین اوضاعیلر
کِف گزَن تَر توکمیین کسب فلاحت ایلمز
.
وور ایکی اللی باشا های سال هَله دوت معرکه
سن ئوزون غفلتده سن غفلت جماعت ایلمز
.
بی ریا کیم آغلاسا خلوتده سس سیز آغلیار
نمره نی زهرا ریاده هیچ عنایت ایلمز
.
چوخدی سوز امّا قلم رُک یازماقا شرمنده دی
خواب غفلتده اولان شخصه کفایت ایلمز
.
نیت (عیّار) صاف و پاک و بی قصد و غرض
کیم قولاق وئرسه یقین ذرّه خسارت ایلمز
.
.
#حسینیه_محمد_وهابزاده
#حسینیه_مدح #ورود_محرم
#من_حسین_عشقینده_درگیر_اولموشام_احساسی_ام
#ترکی
.
#زبدةالاشعار
.
: @nohe_torki