#من_زینبم …
زبانحال حضرت زینب کبری علیها سلام
گریز به زبانحال حضرت در کوچ از کربلا
..
..
..
..
مرحوم انور اردبیلی
..
..
..
..
من زینبم تاریخه افتخارم
مبارزتده فرد بردبارم
خدائی نهضتون علمداریَم
سنگر انقلابه پاسدارم
..
..
..
..
من زینبم فاطمیه مظهرم
پروردۀ خانۀ پیغمبرم
نگین انگشتر ناموس دین
همای عفته گوزل شهرم
..
..
..
..
من زینبم مراقب حیثیّته
فدائی اولمشام حسینیّته
مبارزه یولون استبدادیله
اورگتمیشم یتمیش ایکی ملّته
..
..
..
..
من زینبم زهرا سیاق گزمیشم
بلا قصرین اطاق اطاق گزمیشم
آنام گزن آغاجلاری قوش کیمی
شهپر آچوب بوداق بوداق گزمیشم
..
..
..
..
من زینبم جلالیم جاودانه
وجودیم انقلابه پشتوانه
ایکی خطبه م دلیل شخصیتیم
کیچیلده بُلمدی منی زمانه
..
..
..
..
روزگارون نخلینده بر گورمدیم
عمر افقنده خوش سحر گورمدیم
خانه بدوش ایدوب فلک چوخلارین
اوزوم کیمی بیر دربدر گورمدیم
..
..
..
..
من زینبم خزان گوردیم باغ کیمی
غملر توکولدی اوستومه داغ کیمی
با اینکه طوفانلار اسیری اولدوم
جِلوه م آرتدی منیم چل چراغ کیمی
..
..
..
..
گوردیم ایجاب ایدور عشقون مسلکی
سالدیم قرا گیدیم قرا کوینگی
قرا گون چکمین بلا گورمین
عشق اهلنون اولانماز آق بیرچکی
..
..
..
..
#گریز#کوچ_کربلا
..
..
..
..
من زینبم کربلادن کوچنده
قطاریمز قتلگهدن کچنده
نالمدن ایلدی ناله ناقه لر
آیرلیقون آجی زهرین ایچنده
..
..
..
..
گوگلوم قوشی قوندی چوخور بیر یره
او یرده گوردوم وار آیری منظره
قان بسترینده کوینکسیز بیر بدن
پرپر گل تک عطرین ویرور یل لره
..
..
..
..
جلوۂ جانانی نجه جان تانور
امید ایوین یا نجه مهمان تانور
قبلۀ عشقی بی نشان تانیدوم
معشوقینی عاشق بی نشان تانور
..
..
..
..
چوخور یری طواف ایتدوم کعبه تک
سعی ایلدیم صفایه چاتدی اَمَک
دلدن دوشدوم یره او توردوم دیدیم
یوردون منی ایوون یخلسون فلک
..
..
..
..
قیلدوم او باشسز پیکره نظاره
سینه ده بُلمدیم وار نچه یاره
منده نچاره مضمونی اوخونماز
هر بیر قباله اولسا پاره پاره
..
..
..
..
چکدیم تیکانی گولدن باغبان تک
قوجاخلادیم او جانسیز جسمی جان تک
نگاریمه نچه اوخشاما دیدیم
مژگانیم اشک توکدی ناودان تک
..
..
..
..
ای زینت دوش رسول خدا
دریای قاندا غرق اولان ناخدا
سرلوحۀ کتاب عشق سن سن
کتاب محنته منم ابتدا
..
..
..
..
پیکریوی شانشان گوروب آغلیام
شیرازه سیز قرآن گوروب آغلیام
دشمنلرون کوریدی حقّی گورمور
حقیقتی عریان گوروب آغلیام
..
..
..
..
یاریندن یار آیریلسا هی سیزیلدار
نجیکه یل لر فصل دى سزیلدار
حسین سنسیز باجون نفس چکنده
هر بندی چون بیر قوری نی سزیلدار
..
..
..
..
هر بیر یارون بیر لالۀ عشقدور
هر قطره قانون ژالۀ عشقدور
نه طوطیم نه بلبلم نه قمری
منیمده نالم نالۀ عشقدور
..
..
..
..
خوش اقبالم خوش طالعم حق پرست
هر بیر گوزوم عکّاس دور زبردست
قلبیمه سالدوم قلبوون عکسینی
سن قلبی یاره سن، من قلبی شکست
..
..
..
..
منا سنون گوزل فدالر سنون
آل دوره وه قامت رسالر سنون
تاپشورورام جسمیوی اللّهیوه
یارون سنون سایسز یارالار سنون
..
..
..
..
اوغلانلاری ئولن آنالار منیم
عزالیلر منیم عزالر منیم
اگر چه من اوزومده بیچاریم
بیچاره لر بخت قرالر منیم
..
..
..
..
اوغول سنون صحابه قارداش سنون
جداده معراج ایلین باش سنون
منه فرصت یوخدی یولدان کئچندن
دفن ایده نون اولیدی ایکاش سنون
..
..
..
..
بیراهه لرده سیر داغ داش منیم
آغلار گوزلردن توکولن یاش منیم
بولگی بولن یاخشی بولگی بولوبدی
عریان بدن سنون آچیق باش منیم
..
..
..
..
قرمزی قان قرمزی بستر سنون
محراب و جانماز اطهر سنون
دنیا سوئی لایق دگل عاشقه
حسرتوی چکوردی کوثر سنون
..
..
..
..
امّ المصائبم حسین غم منیم
قانلی نهضتله قانلی پرچم منیم
دیلسیز اصغر سنه دوشدی قرعه ده
دیلّی بالدان شیرین رقیّم منیم
..
..
..
..
#کوچ_کربلا_انور_اردبیلی #زینبیه_انور_اردبیلی #زینبیه #ترکی #زبدةالاشعار
نظر دهید