زبانحال جناب رقیّه (س) در خرابه شام
..
..
مرحوم شوری تبریزی
..
..
خانم عمّه گوز تیکرم یولا
یانارام سیزیلدارام آغلارام
دیرم ئولونجه بابا بابا
یانارام سیزیلدارام آغلارام
..
..
بو جهاندا عمّه بویور گوروم
کیم اولوبدی من کیمی باغریقان
دوزه هر بلا و مصیبته
بو صغیر سنّیلن عمّه جان
نه ایدیم من ایمدی گچن گچوب
دئ گوروم بابام گلجاق هاچان
اولوب اونسوز عمّه گونوم قرا
یانارام سیزیلدارام آغلارام
..
..
..
گجه گوندوز اوخشارام آغلارام
گلرم فغانه على الدّوام
یری وار ئولونجه سیزیلدیام
دولانوب خرابه نی اودلانام
یاتا بولمورم قوری دور یریم
همی نچّه گوندیکه من آجام
جهتی بودور من بینوا
یانارام سیزیلدارام آغلارام
..
..
من بینوایه بویور گوروم
نه اولوبدی جاه و جلالیمیز
بو گونه ندندی که دوشموشوخ
هانی بس او مال و منالیمیز
گونی گوندن آرتوری عمّه جان
بو خرابه یرده ملالیمیز
اولوروخ هامی غمه مبتلا
یانارام سیزیلدارام آغلارام
..
..
بولورم بو مدتی عمّه جان
چوخ اولوب منیم سنه زحمتیم
ولی نیلیوم نجه صبر ایدوم
کسیلوب منم داخی طاقتیم
بو اسیرلوخ بو خرابه یر
بو غم و ملال و مصیبتیم
گورورم بو غملری برملا
یانارام سیزیلدارام آغلارام
..
..
منه آز قالوبدی یقین اولا
بابامون باشندا قضاسی وار
من غمکشیده نون عمّه جان
باشمون بیر اوزگه بلاسی وار
اگر ئولمیوبدی بابام سیزون
باشوزون ندندی قراسی وار
هره بیر طرفده دوتوب عزا
یانارام سیزیلدارام آغلارام
..
..
بو مصیبت ایتدى على الخصوص
من دلشکستنی دلکباب
گتوروبدی جانه ای عمّه جان
ایکی قولّاریمدا اولان طناب
دور اماندی قولّاریمی تیز آچ
داخی منده یوخدی بو ظلمه تاب
ایدرم بو جانی سنه فدا
یانارام سیزیلدارام آغلارام
..
..
منی شمردون او قدر ویروب
گتوربدی جانه سیزیلدارام
ایلیوبدی جسمیمی چوخ علیل
چکرم زبانه سیزیلدارام
گورورم او ظلملرین یرین
گلرم فغانه سیزیلدارام
اورگیم اولوب هدف بلا
یانارام سیزیلدارام آغلارام
..
..
گوروسن نجه بو رقیّه نون
کسیلوب امانی خرابه ده
منه چونکه عمّه یقین اولوب
ویررم بو جانی خرابه ده
قویاسان مزاریمه سن اوزون
من بینوانی خرابه ده
گنه قبریده ایدرم نوا
یانارام سیزیلدارام آغلارام
..
..
بولورم مرخّص ایدوب سیزی
بو یزید دون سالاجاق یولا
ولی اول وطنده قالان باجیم
بولوسن تیکوبدی گوزون یولا
او زمانکه بولدی من ئولموشم
اونی قویما ساچلارینی یولا
دئ باجون دیدی باجیم آغلاسا
یانارام سیزیلدارام آغلارام
..
..
سنون اولسا شوری حقیقتاً
بو بلایه میل و محبّتون
بو توسّلنده اولور عدم
نقدر اولا غم و محنتون
نه عجب وسیله دوشوب اله
بو خانمدان آلگلن حاجتون
دئ ئولونجه بو سوزی دوت عزا
یانارام سیزیلدارام آغلارام
..
..
..
#حضرت_رقیه #شوری_تبریزی #حضرت_رقیه_شهادت #ترکی #زبدةالاشعار
نظر دهید