#من_زینبم
زبانحال حضرت زینب کبرا علیها سلام
..
..
..
..
مرحوم انور اردبیلی
..
..
..
..
من زینبم حجابده زهرا مثالیم
من دولت علیّه ده بیر عضو عالیم
دنیا بوئی مبارزه کیم ایتسه ظلمیله
تأیید عدلنه سندم هم رسالیم
..
..
..
..
من زینیم تجلی ایمان و عفتم
فریاد حق حماسۀ تاریخ ملتم
سیمای دین و قامت ایثار و روح عشق
مصباح مجلس شرفم کوه همّتم
..
..
..
..
من زینبم مسیرده بیراهه گتمدیم
هر سوز دیدیم دالا دیدیگمدن قیتمدیم
لا یَنقطع شماتت اوخی دگدی قلبیمه
بیر لحظه سنگر هدفی حالی ایتمدیم
..
..
..
..
من زینبم قیام عدالت منیمکدور
کوبنده سوز صریح عبارت منیمکدور
فخر ایتسه قهرمانلار اگر اوز مدالینه
فخریم بودور مدال شهامت منیمکدور
..
..
..
..
من زینبم اراده می چوخ محکم ایلدیم
ظلمون بساط و دبدبه سین برهم ایلدیم
قانلو قیامه لازمیدی قانلو بیرعلم
بیر قانلو کوینگی اوزومه پرچم ایلدیم
..
..
..
..
من زینیم مرامیم حسینون مرامی دور
یوخ فرقیمیز پیامیم اونون اوز پیامی دور
قارداشیمون شهادتی زینب اسارتی
محشر اولونجا پایۀ دینون دوامی دور
..
..
..
..
اولدوق شریک بیر عمل عاشقانیه
باش اگمدی نه او نه من اهل زمانیه
بولدوق بلالری او دیدی خیزران منیم
منده دیدیمکه مشتریم تازیانیه
من زینبم منه بالا قزلار آنا دیدی
زین العبا عقیلۀ آل عبا دیدی
شمرون دوتاندا خنجرینی قتلگاهده
قارداشیم آچدی گوزلرینی مرحبا دیدی
..
..
..
..
من زینیم نه سازش و نه اهل نرمشم
گلزار عشقده گل مقصودی درمیشم
عریان گورنده قارداشیمی قتلگاهده
آغ زلفمی آچوب سینه سی اوسته سرمیشم
..
..
..
..
من زینبم متیندی چون مرتضی سوزوم
غمله کشاکش ایلدیم هیچ گولمدی یوزوم
قُنفذ یخان زمان آنامی صحن خانه ده
اوّل دیز اوستونه باشنی آلمشام اوزوم
..
..
..
..
من زینبم مقام حیاده مجلّله
خیمم یانان زمان منه سخت اولدی مرحله
قاچدیم او قدری چوللره باشیمده اللریم
قبریمده ده بو تزلیقه دینجلمرم هله
..
..
..
..
من زینبم مُصیبت اودی ایتدی دلکباب
اجناس خیمه می تالادى فرقۀ عذاب
چوخ مشکل اولدی شام غریبان بو بیکسه
سجادیمه تاپانمدیم اول چولده رختخواب
..
..
..
..
من زینبم قرا گیجه لر زار و دیده تر
اولدوزلاریلا چوخ گیجه نی ایلدیم سحر
کیم من کیمی دولاندی چولی شهری کو به کو
کیم من کیمی یخلدی ایوی اولدی در بدر
..
..
..
..
من زینبم یتیم لری جان تک قوجاخلادیم
سیلدیم رقیّه اشکنی زلفین داراخلادیم
ناراحت اولجاقین یری آلدیم قوجاقیمه
لای لای دیدیم عزیزه مه سینمده ساخلادیم
..
..
..
..
#زینبیه #انور_اردبیلی #ترکی #زبدةالاشعار #کوفه_انور_اردبیلی #کوفه
نظر دهید