من زینبم مظاهر الله اکبرم #زینبیه_شبگیر_تبریزی

#من_زینبم
.
.
شبگیر تبریزی
.
.
من زینبم مظاهر الله اکبرم
مرآت پر مشعشع انوار داورم
.
من پرده دار کاخ اُلوهیّتم حقه
بنت الجلال و مظهر نور پیمبرم
.
ستر عظیم ذات حقیله محجّبم
اخت الوقار و وارث آئین حیدرم
.
فخرالائمه عالمۀ بی معلمه
علم و عملده وارث زهرای اطهرم
.
فخریم بودور که عاقلۀ آل هاشمم
بیرده قلاد فاطمه ده سبز گوهرم
.
دروازۀ علوم محمّددی مرتضی
من شهر شاه کربوبلا عشقینه درم
.
زهرا آنامدی محور منظومۀ ولا
منده نجوم محور زهرایه محورم
.
مست شراب رنگ به رنگ حسینی ام
هر چند اوزومده شهد مصفّای کوثرم
.
ساقی منه عوالم علویده پنج تن
ساقیّ با تدبّر سلمان و بوذرم
.
بیر ماده شیر شیر حقم شیرزاده ام
شیر اوژنم که شیر خداونده مظهرم
.
آواره کیم دئییه منه آواره دور اؤزی
من که عقیلة العربم کونه لنگرم
.
بیچاره کیم دئییه منه بیچاره دور اوزی
دوقّوز امامین عمّه سیم ماه انورم
.
مشکل گشا بابامدی که مشکلده قالمارام
کیم توتسا دامنیمدن اونا چاره ایلرم
.
شمرین نه جرأتی آلا معجر بناتیدن
من حامی حجاب بنات پیمبرم
.
قدّ رسای زینبی کیم خم ائده بولر
قدّ رسای مصحف قرآنه زیورم
.
عبّاس ضرب و شستی بو زینبدن اخذ ائدوب
منده زیادین اوغلونا ایمدی مظفّرم
.
بیر حمله ائتدی زینبی تا نطقدن سالا
ناگه نه گوردی حمله ده مانند حیدرم
.
بیر یاحسین لن ائله پوزدیم وقارینی
من دختر مظفّر بدریله خیبرم
.
گر لشگر یزیدی پوزوب قارداشیم حسین
منده یزیدی یخمیشام اونلا برابرم
.
شامه کیمی قوجاتدی بتر غصّه لر منی
ایمدی یزیدی یخمیشام اوندان جوانترم
.
شبگیر طفل مکتب زینبدی والسلام
علت اودور که درس خفیّاته ازبرم
.
کمتر کنیز درگه زینبدی والده م
سویلر آتام که شاه شهیدانه نوکرم
.
لطف ایله یاحسین آتامی همره آنام
بیر اربعین زیارت شاماته گوندرم
.
.
#زینبیه #زینبیه_مدح #شبگیر_تبریزی #ترکی #زبدةالاشعار