زبدةالاشعار

رزمگاهه شاهد اول یا رب على اکبر گیدر #اکبریه_صافی_تبریزی

وداع حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
مرحوم صافی تبریزی
.
رزمگاهه شاهد اول یا رب على اکبر گیدر
خَلقاً و خُلقاً پیمبر صولتاً حیدر گیدر
شبه پیغمبر گیدر
.
.
اهل کوفه ای خدا ، نه عار و نه ننگ ایلدی
زاده طاهائیله چکدی قلج جنگ ایلدی
بو حسینه عرصه نی نه نوع گور تنگ ایلدی
عازم میدان اولوب، اوغلى على اکبر گیدر
.
.
بی سبب گزموبدی شانه ، خانه خانه زُلفینی
ئوز الیله ایلیوبدور لیلى شانه زُلفینی
طایر روحه ویروبدور آشیانه زُلفینی
جان و دلدن ایلوب اوغلی اکبره زیور گیدر
.
.
ئولدوروب دشمن ، خدا عبّاس تک قارداشیمی
یاندیرور عباس دردی یکسر آل هاشمی
لیک واضح دور اوغول مرگی اوجالدار باشیمی
اکبریمده ایلیوب بو نکته نی ازبر گیدر
.
.
آردیجا هر دم اولور بی اختیار اشگیم روان
سن ئوزون آگاه سن ای عالم راز نهان
تک منه بو سَرو سیمین بَر دگول آرام جان
طاقت لیلا قرار زینب مضطر گیدر
.
.
راضی اولماز بیر آنا گورسه اوغول جزئی گزند
سن رضا سن ، ایسترم دوغرانسون اکبر بند بند
اولماسا حاصل یقینیمدور بو کار دل پسند
مقصد و مقصود جان ای خالق داور گیدر
.
.
فرقت فرزند اگر چه مادره مشکل گلور
ئولمسه اکبر یقین لیلایه چوخ نسگل گلور
خنجر الده ای خدا مین سنگدل، قاتل گلور
آنلیوبلار بیر نفر مقتول مه پیکر گیدر
.
.
قارداش آردینجا ز بسکه باجی حسرتله باخور
یاندیرور حسرت اودیله سنگ خارانی یاخور
خون دل هر لحظه چشم انتظاریندن آخور
خاطر زار سکینه اکبره همسر گیدر
.
.
#اکبریه_شهادت
#رزمگاهه_شاهد_اول_یا_رب_على_اکبر_گیدر
#ترکی
.

متن پیشنهادی:  گل گلزار رسالت بوگئجه #شب_عاشورا_محمود_صادری

✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی