#قربان_اولوم_حسین
..
..
..
حاج اکبر غفاری زنجانی
..
..
..
من شوکت و جلالوه قربان اولوم حسین
اجلال بی زوالوه قربان اولوم حسین
..
عالی قیاموه ، او گوزل انقلابوه
اندیشه و خصالوه قربان اولوم حسین
..
افکار حق پسندوه کرداروه سنون
گفتاریوه ، مقالوه قربان اولوم حسین
..
عطشان دوداقلارونداکی اندرز و پندوه
اخلاق بی مثالوه قر بان اولوم حسین
باش اگمدون ستمگر و ظلّامه دهریده
کفاریله قتالوه قربان اولوم حسین
..
رنگ شفق دوتان قانیلان حق نما یوزه
پیشانوه، جمالوه قربان اولوم حسین
..
اوخ یاره سی، اورکدکی اول داغ اکبره
قلبنده کی ملالوه قربان اولوم حسین
..
میداندا یا حسین اوکمکسیز زمانوه
پوزقون اسفلی حالوه قربان اولوم حسین
..
یتمش نفر کمکلریوه سر سپاهوه
سرباز خرد سالوه قربان اولوم حسین
..
یوسف جمال اکبره مهپاره قاسمه
انصار باکما لوه قربان اولوم حسین
..
بوکدی بیلیوی قارداشون عباس محنتی
اول قد چون هلالوه قربان اولوم حسین
..
ظلم آتشنده شعله چکن خیمه گاهوه
آواره اهل عیالوه قربان اولوم حسین
..
مسکن ایدن خرابه نی نازلی رقیه وه
غمدن ملر غزالوه قربان اولوم حسین
..
ای سرور تمام شهیدان راه حق
القابوه، مدالوه قربان اولوم حسین
..
..
..
#حسینیه #غفاری_زنجانی #حسینیه_مدح
نظر دهید