من عمّه جان بو حاله نه عنوانه دوشموشم #حضرت_رقیه_فریدی

زبانحال رقیه خاتون در خرابه شام
.
✍️ #زبدةالاشعار ✍️
.
🆔: @nohe_torki
.
حاج علی اصغر فریدی
.
من عمّه جان بو حاله نه عنوانه دوشموشم
سنّیم صغیر ظلم فراوانه دوشموشم
.
من شاهزادیم داغلوب جاه و شوکتیم
اشرار شام ایچینده غریبانه دوشموشم
.
سینم گلوبدی تنگه رضایم مماتیمه
فکر وصال محضر جانانه دوشموشم
.
اوز حالیمی بو حالیده یادّان چخاتموشام
فکر خیال عابد نالانه دوشموشم
.
ناز ایلیردیم اکبر و عباس و قاسمه
ایندی ولی بو شامده بیگانه دوشموشم
.
بلبل نجه همیشه دوشر گل سراغینه
منده هوای سیر گلستانه دوشموشم
.
گل فرقتینده نالیه گلّم صباح و شام
بال و پریم سنوبدی یانا یانه دوشموشم
.
باد سموم اسوبدی سولوب گلشن و گلیم
درک ایتمه میش بهاری زمستانه دوشموشم
.
عشق اهلیم وصاله ولیکن یتیشمه میش
صحرای غمده آتش هجرانه دوشموشم
.
پروانه شمع اودوندا یانار چون دوشر خموش
غم محفلینه منده چو پروانه دوشموشم
.
صیادلر یوروب منی آهو تک عاقبت
ظلمیله دام فرقه عدوانه دوشموشم
.
اکبر فراقی الدن آلوب اختیاریمی
مجنون مثال کوه و بیابانه دوشموشم
.
کافر منیم بو حالیمه گر باخسا رحم ایدر
افسوس جنگ ظلم مسلمانه دوشموشم
.
عالم بولور بابامدی منیم کشتی نجات
من بحر غمده گور نجه طوفانه دوشموشم
.
من وارث خلیله عزیزیدیم ایندی چون
نمرودیان الیله بو نیرانه دوشموشم
.
یوسف کیمی آیردولا یعقوبدن منی
ویران سرای شامده زندانه دوشموشم
.
کنز حیاده درّ گرانمایه ام ولی
بولمولّه قدریمی ید نادانه دوشموشم
.
سنده فریدی آل عبانون محبّی سن
یاز مجرمم بو درگه سلطانه دوشموشم
.
.
.
#حضرت_رقیه_فریدی
#حضرت_رقیه_شهادت
#من_عمه_جان_بو_حاله_نه_عنوانه_دوشموشم
#ترکی
.
✍️ #زبدةالاشعار ✍️
.
🆔: @nohe_torki