زبدةالاشعار

من فاطمیم مصحف عصمتده مشعشع #فاطمیه_الماسی_اهری

من فاطمیم …
.
✍️ زبدة الاشعار ✍️
.
🆔: @nohe_torki
.
الماسی اهری
.
من فاطمیم مصحف عصمتده مشعشع
نسوان بهشت ایچره منم افضل و ارفع
فخر ایلیورم اولمامیشام غرق مرصّع
قرآن اوخیوب مال حرامی یئمدیم من
وجدانیم اولوب خلقه تملّق دئمدیم من
.
.
من فاطمیم منطق اسلام شعوریم
بیت الحزنیم اولدی منیم وادیِ طوریم
بیر ذرّه قدر اولمادی طاعتده کسوریم
غاصبلری منطقله زمین گیر ائلدیم من
گوساله پرست دشمنی تحقیر ائلدیم من
.
.
من فاطمیم احمد مختار آتامدور
گنجینۀ پر گوهر اسلام آنامدور
شاه شهدا سید ابرار بالامدور
اسلامه عمل ائتمگه همّت الدیم من
حق کیمدی حقیقتدن حراست ائلدیم من
.
.
من فاطمیم حقدی سوزوم یوخدی گناهیم
الله اوزی هر یئرده اولوب پشت و پناهیم
یئردن هله چوخ گویده منیم واردی سپاهیم
بیر خطبه دئدیم حجّتی اتمام ائلدیم من
غارتگر اولان حاکمی اعدام ائلدیم من
.
.
من فاطمیم شیشۀ عمروم داشا دگدی
بار محنیم سرو رسا قدّیمی اگدی
بی مدرک و بیجا یئره دشمن منی دوگدی
اون سگیز ایل عمروم گوزی یاشلی سپر اولدی
سیلی منه قنفذ یاراسیندان بتر اولدی
.
.
من فاطمیم درگهیمه شعله قالاندی
دیواره دایاندیم اتگیم شعله ده یاندی
سقط اولدی بالام سینه مه مسمار توخاندی
ثانی قاپیما ویردی لگد کینه ده دوردی
اَل دوتدوم علیدن ولی قنفذ منی ویردی
.
.
من فاطمیم زندگیده چوخ غمه یاندیم
اوز حقیمین اوستونده دوگولدوم یارالدیم
ثانی کی منی ویردی ، حسندن چوخ اوتاندیم
چوخ محنتیمی زینبه فاش ایلمدیم من
سیلی جریانیندن علییَّه دئمدیم من
.
.
من فاطمیم باد خزان گلشنه دگدی
حق اوسته دایاندیم سخنیم دشمنه دگدی
ثانینین آغیر سیلی سی محکم منه دگدی
زینب منی گورمکله دوداقی بوزوشردی
سیلی یئری هی یادیمه دوشچک قیزیشاردی
.
.
من فاطمیم سوت دادینی دادمادی اوغلوم
حسرتده قالوب لبلرین ایسلادمادی اوغلوم
هچ یاره لی سینمده گلوب یاتمادی اوغلوم
وضع حمل ائلیین وقتی غذا چوخ یمدیم من
نسگل بودی هئچ اوغلوما لایلای دمدیم من
.
.
من فاطمیم اون بیر آیین اختری اولدوم
مظلوم علینون یارالی یاوری اولدوم
اوز باغیمه ارثیّه میدی مشتری اولدوم
محنت قاپیما خیمه قوروب قدّیمی اگدی
کسدی یولومی کوچه ده ثانی منی دوگدی
.
.
من فاطمیم اکدیگیمی درمدیم ئولدوم
آغلار دولانیب زینبی گولدورمدیم ئولدوم
قنفذ یاراسین بیر کسه بیلدیرمدیم ئولدوم
هچ کس منه تای دار فناده ئولن اولماز
من گئتدیم حسینه داخی لایلای دین اولماز
.
.
من فاطمیم رخت غمی سویمادیم ئولدوم
(راحتلیگیلن بالشه باش قویمادیم ئولدوم)
افسوس،حسیندن دولی گوز دویمادیم ئولدوم
گر قسمت حسین اولسا ملالینده بوروننم
سینمده یارا مقتلیوه ساری سوروننم
.
.
#فاطمیه_مدح
#فاطمیه_شهادت
#من_فاطمیم_مصحف_عصمتده_مشعشع
#الماسی_اهری
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای گل بدنی مخزن اولان خاره یارالی #کوچ_کربلا #حسنی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی