من مرتضا علینون عباسیم جماعت #عباسیه_رضوی_زنجانی

رجز حضرت ابوالفضل (ع)
..
..
..
رضوی زنجانی
..
..
..
من مرتضا علینون عباسیم جماعت
اولاد مصطفانون سقاسیم جماعت
..
..
..
فرزند نامدار شاه ولایتم من
دلبند شیر حقم روح شجاعتم من
سرلشگر حسینم سردار نهضتم من
قاف شجاعتین بیر عنقاسیم جماعت
..
..
..
ئولدورمیسوز حسینون طاهایه بنزر اوغلون
اکبر کیمی جوانین اول ماه منظر اوغلون
زهرا باغیندا یعنی گل تک معطر اوغلون
شاهین اوزوم وزیر هیجاسیم جماعت
..
..
..
اکبر کیمی جوانین من انتقامین آلام
اوت شعله سین بو قلب کفّاره بوردا سالام
بعداً گئدوب حسینون من باشینه دوللانام
چون زنده ی معطّر انفاسیم جماعت
..
..
..
سوز عطشدن اصغر بیر اوزگه حاله قالمیش
رنگ رخی او طفلین گل برگ تک سارالمیش
احوالی شیرخوارین الدن توانیم آلمیش
من اصغرین عموی سرپاسیم جماعت
..
..
..
سو یولّارون کسوبسوز شش ماهه گلعذاره
انصافیدور عطشدن یانسون او شیرخواره
ظلمیله تئز سارالسون آخسون همان ستاره
چوخ ناگران او صولموش سیماسیم جماعت
..
..
..
مولا منه حسیندی من نوکرم او شاهه
مهر حسینی وئرمم واللهى مهر و ماهه
وئرسه اجازه بیلّم من نیلرم سپاهه
بو دهریده وفانون دریاسیم جماعت
..
..
..
ملک جهانی وئرسز یا ئوپسز اللریمدن
چوخ اشتباه ائدوبسوز گئچمم برادریمدن
من ایسترم حسینی چوخ چوخ بو گوزلریمدن
من مرتضى علینون عباسیم جماعت
..
..
..
#عباسیه #رضوی_زنجانی #عباسیه_شجاعت #ترکی #زبدةالاشعار