من نه گُلم حفاظتیچون خاره یالواروم #عباسیه_منتظری

مناجات با توسل به حضرت ابوالفضل (ع)
.
#زبدةالاشعار
.
: @nohe_torki
.
حاج محمد منتظری شریف آباد
.
.
من نه گُلم حفاظتیچون خاره یالواروم
نه بلبلم خزان چاقی گلزاره یالواروم
.
دنیایه خاطر هئچ کسه لبخنده وُورمارام
عشقیم اجازه وئرموری اغیاره یالواروم
.
دل ویرموشم دلی یارادن دلسِتانیمه
انکار بسدی صدقیله اقراره یالواروم (1)
.
مادّی گوزی مرخّص ایدوم گورموری بیر ایش
ترک ائتمیوم بصیرتی ابصاره یالواروم
.
بیمار اولوم تمارض ایدوم بیلمورم نِئدوم
حاذق طبیب دیده سی بیماره یالواروم
.
اَمّاره نفسی خوار ایلیوم دفع شرّ اولا
سلطان عدلِ هادمُ الاشراره یالواروم
.
من خاکزاده خاکیِ عُنصُر مقدّسم
چوخ ننگ دور که مارجِ مِن ناره یالواروم
.
قصدیم بودور که قصدِیمی بیگانه بیلمسون
هر درد وار او کس که ائدر چاره یالواروم
.
اؤز دوندروم حبیبه که آتماز حبیبنی
مخلوقینه همیشه اولان یاره یالواروم
.
یوخدور اوزوم وسیله سیز اذنِ ورود آلام
یاری دوتوم نظرده علمداره یالواروم
.
چوخدور مریدی من کیمی قولسوز مرادیمون
دلده نوا مراد عزاداره یالواروم
.
الله یانوندا پرچمینون احترامی وار
گوز پرچمونده حضرت داداره یالواروم
.
عبّاس آدینه خاتمه تاپسون مقدّمه
قلب عالمونده مُلهِمِ اشعاره یالواروم
.
ویرمم جهاندا منتظِرم وقتیمی هَدَر
وابسته یم یارالی سپهداره یالواروم
.
(1) انکار … اقرار … لااله الا الله
.
#پندیات_مناجات #عباسیه_مدح
#من_نه_گلم_حفاظتیچون_خاره_یالواروم
#ترکی
.
#زبدةالاشعار
.
: @nohe_torki