مجلس ابن زیاد
.
✍️ زبدة الاشعار ✍️
?: @nohe_torki
.
کربلایی فخرالدین اسکندری (جائد زنجانی)
.
یاد ایلینده مجلسِ
ابن زیادی آغلارام
حالات آل حیدره
فریاد ایدوب دیل داغلارام
.
رحم و مروت یوخ ایدن یورقون یارالی دیللره
باد خزان گویا اسوب سولموش سارالموش گللره
محشرعیان اولموش او گون اولاد پاک حیدره
گوز یاش توکوب بو محنته من آغلاماقدان دویمارام
.
یاللعجب فرعونیان جور و جفادن دویمادی
رخت جفا و کینه نی اهل شقاوت سویمادی
ئوز حالینه یانسون او گون آل علینی قویمادی
یانام دمادم غصه دن بیر لحظه آرام اولمارام
.
آل علی ابن زیادین مجلسینده نا گران
زین العبادین قوللاری باغلی ایاقدا کنده قان
دوشمز ندن بس دوریدن یا رب بیله دور و زمان
واردور یری بو حالته قان آغلیام یا باش یارام
.
ابن زیاد پست و دون ایلور شماتت دمبدم
آل علینون نقشینه چکدوخ دیور نقش عدم
عباس ئولوب مقتول اولوب شاه جهان یاتدی علم
بو سوزده زینب سسلنوب یاتماز علم تا من وارام
.
دوزدور اُناثم من ولی بیر شیره زن شیرم ئوزوم
عباس ئولوب آچ گوزلرون الان علم گیرم ئوزوم
فکر ایلمه قول باغلیام یا که زمین گیرم ئوزوم
بُرّتده الفاظیله من اذن اولسا کفری دوغرارام
.
من زینبم ظالم گوز آچ شیر خدا فرزندیم
عزّو شرف بطنینده من چون گوهر ارزندیم
یاتماز حسینون پرچمی تا من وارام یا زندیم
سنلن یزیدی قول قولا بیل منطقیله باغلارام
.
سنگ فنانی شیشۀ کفاره بیل چاللام ئوزوم
نا حق توکولموش قانلاری اغیاریدن آللام ئوزوم
من رهبر میخواره وی تختدن چکوب ساللام ئوزوم
آل امیه خوش گونی گورسون جهاندا قویمارام
.
#سبک_ای_شاه_مظلومان_حسین (5 سبک متفاوت سینه و زنجیر و … )
.
#مجلس_ابن_زیاد
#یاد_ایلینده_مجلس_ابن_زیادی_آغلارام
#جائد_زنجانی
#ترکی
.
✍️ #زبدةالاشعار ✍️
?: @nohe_torki
نظر دهید