من پایبند حکم قرآنم الله الله #مناجات_علیرضا_عباسی

مناجات
.
.
علیرضا عباسی (احسان تبریزی)
استقبال از مرحوم #منزوی_اردبیلی
.
.
من پایبند حکم قرآنم الله الله
خوان کرامتینده مهانم الله الله
.
.
قووما منی قاپوندان یارب حمایت ایله
گر چخمشام یولومدان بیرده هدایت ایله
عفو ایله وار گناهیم لطف وعنایت ایله
من طالب عطا وغفرانم الله الله
.
.
شرم ایلیرم دئیم کی بیر بنده ام اللهی
بوشدور الیم فقیرم شرمنده ام اللهی
من مجرمم اودور سر افکنده ام اللهی
چون غرق بحر جرم و عصیانم الله الله
.
.
نومیدم اوز اوزومدن ربّی سن ائتمه نومید
اوز رحمتونله عفو ائت یوخ رحمتونده تردید
انساندی چوخ زیانکار قرآن ائدیبدی تائید
عصره قسم که اهل خسرانم الله الله
.
.
یارب منی موفّق ایله ادای دینه
وئرّم قسم اللهی زهرایه نور عینه
یالقیز سوسوز کمکسیز قانه باتان حسینه
سسلردی تشنه قانه غلطانم الله الله
.
.
چون آنّی یاره لیدی قویدی یوزون ترابه
سجده ائدیب یخلدی اول قانلی رختخوابه
نصرانی گوردی قلبی یاندی اودلکبابه
باخدی دئدی بو شاهه قربانم الله الله
.
.
فخر ایلرم که اولدوم من اهلبیته ذاکر
هم اشگریز عاشق هم دردمند شاعر
بو منصبی الیمدن آلما حسینه خاطر
شرمندۀ عطا و ((احسانم))الله الله
.
.
عشق حسینه ایله بیمار منزوی تک
وئر بیرده روح وقلب بیدار منزوی تک
بلکه یازام حسینه اشعار منزوی تک
اوندا اولان شعوره حیرانم الله الله
.
.
#مناجات_علیرضا_عباسی #ترکی #زبدةالاشعار