زبدةالاشعار

چکنده نقشِ نگینْ حَیِّ ذوالجلالِ محمّد #17ربیع_قیزیل_قلم

در مدح و میلادیه پیامبر صلی الله علیه و آله و سلم
.
✍️ زبدة الاشعار ✍️
.
🆔: @nohe_torki
.
اکبر ستاری ( قیزیل قلم )
تضمین غزل سیدعظیم شیروانی
.
چکنده نقشِ نگینْ حَیِّ ذوالجلالِ محمّد
ملکلره مُتَجَلّی اولوب خیالِ محمّد
حَریروسُنْدُسِ جنّتدی سبزه شالِ محمّد
اولوبدی مُهرِنبوّت گؤزل مدالِ محمّد
(کنارِ لعلِ لبینده سیاهْ خالِ محمّد)
(کِاَنَّ چشمهٔ زمزمده دیربِلالِ محمّد)
.
.
تؤکَرشرابِ محبت جمالیمه خُمِ چشمیم
فراقِ عشقینه قان آغلاییبدی قُلزمِ چشمیم
گؤزل جمالینی من قویمارام اولاگُمِ چشمیم
گزیرهمیشه اوماهین سُراغینی اُمِ چشمیم
(چکر بیاضینا مِهرِ منیرِ مردُمِ چشمیم)
(کیم اوْلْ بیاضاچکه صورتِ مثالِ محمّد)
.
.
مَلَکلراولدواوگول عارضین گؤرَن کیمی حیران
باخانداصورتینه عاشق اولدوهرآییق انسان
محبتین اِئلییب قلب ایچینده نازیله پنهان
نِئچه اُویسِ قَرنلراولوبدی عشقینه قربان
(نَه مِیلِ باغِ بهشت اِئیلَییرنه حورْنَه غلمان)
(اگرمُیَسّراولا دولتِ وصالِ محمّد.ص)
.
.
سَپیپ جمالینین عطرین گول ایچره گولشنه خالق
بیرآزهدیّه وِئریب عطرِیاس و سوسنه خالق
مبارک آیه لرینده دِئییبْ،دؤنَه،دؤنَه خالق
آچیبدی یِئراوزونه رَحمت اوسته روزَنَه خالق
(بهشت وصفینی کیم بونجا ائیلییرمنه خالق)
(مشخص اولدوکی منظوردوروصالِ محمّد)
.
.
حریمِ عشقینه کیم گلمیشوق اراده ائیله
محبت اهلی بیزوک قلبِ صاف وساده ائیله
قبول اِئدراؤزوخوش صورتِ گشاده ائیله
سواره لَرْدَه آیاغلاشدیلارپیاده ائیله
(حرام اِئدَرْبیزه هیجرانی شُربِ باده ائیله)
(اولوبدو قانیمیزآیا نَدَن حلالِ محمّد)
.
.
آلیبدی صبریمی دلدن منیم اوماه دلْ آرا
اولوبدومملکتِ جانیما،او،شاه،او،دارا
واراعتقادویقینیم اورکده عالی شعارا
الهی مرحمتینلن منیمله ائیله مدارا
(ایشیمدی سجده همیشه،دوطاقِ اَبْرویِ یارا)
(خمیده قیلدی قَدیمْ حسرت هلالِ محمّد)
.
.
«قیزیل قلم»سؤزوتضمین إئدیب بوحالیده سیّد
مُسَدّس اولدو بو تضمینِ ایده آلیده سیّد
او پاکْ جدّینه قرباندی مُلک ومالیده سیّد
گؤزوم قالیبدی هَلَه چشمهٔ زلالیده سیّد
(صفاایسَهْ غَرضین کعبهٔ وصالیده«سیّد»)
(بَسیندی عشق محمّدله مِهرِآلِ محمّد)
.
.
.
#17ربیع
#مبعث
#چکنده_نقش_نگین_حی_ذوالجلال_محمد
#کنار_لعل_لبینده_سیاه_خال_محمد
#قیزیل_قلم
#سید_عظیم_شیروانی
#ترکی
.
✍️ #زبدةالاشعار✍️
.
🆔: @nohe_torki

متن پیشنهادی:  سواد شبده گیزلنوب طلیعۀ سحر على #راه_شام_عابد_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی