زبدةالاشعار

قان آغلیون ای شیعه که ایام عزادی #ورود_محرم_شهاب_تبریزی

ماه محرم
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا … 7 سبک
.
مرحوم شهاب تبریزی
.
قان آغلیون ای شیعه که ایام عزادی
زهرا باش آچوب صاحب عزا شیر خدادی
.
.
نه طاق فلک یاسه باتوب آغلوری عالم
سکان سما چیده ایدوب مجلس ماتم
بو غمده گلوب نالیه پیغمبر خاتم
ارواح رسل روح الامین نوحه سرادی
.
.
ای شیعه ایدون مد نظر کرب و بلانی
بیر یاده سالون محنت شاه شهدانی
قانه بلشوب یتمش ایکی پیر و جوانی
باشسیز توکولوبلر دیه سن کوه منادی
.
.
ای شیعه قیامتلر اولوب اکبر ئولنده
صد پاره گلوب قانلی کفن قانلی بدنده
ساچلار یولونوب خیملره نعشی گلنده
لیلانین ایشی حشره کیمی واولدادی
.
.
اول دم که علمدارین عدو قانینی توکدی
بو درد وغم ای شیعه حسین قدینی بوکدی
دلدن کسیلوب تاب و توانی یره چوکدی
بیل سندران عالمده غم مرگ اخادی
.
.
ای شیعه ووروب حرمله اود کون و مکانه
افلاکه سالوب رعشه بیر اوخ قویدی کمانه
اصغر بوغازین ایلدی بیر تیره نشانه
گور بیر نقدر حرمله بی شرم و حیادی
.
.
سلطان مدینه او بیابانی گزردی
قانین یاخوب اعضاسینه اول طفلی بزردی
اوجوندا گهی اخذ ایدوب افلاکه سپردی
بلسونله او قان تحفۀ درگاه خدادی
.
.
شاه ئولدی قشون سیندی ستم عرشه دایاندی
اود ووردولا اولاد علی خیمه سی یاندی
عصمتلی حرملر سویولوب یاندی تالاندی
رحم ایتمدی بیر کیمسه بولار آل عبادی
.
.
#قان_آغلیون_ای_شیعه_که_ایام_عزادی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  آنام اوغلی کوفه وشامیدن گوزون آچ نوالی گلوب باجون #اربعین_جائد_زنجانی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی