ورود اهلبیت (ع) به شهر شام شوم
.
✍️ #زبدةالاشعار ✍️
.
🆔: @nohe_torki
.
#سبک_یارالی_جان_یارالی … 4 سبک … بو نه عالمدی حسین … کربلا منتظر ماست … شهریاریمسن آقا … اکبریم گل گوزلرین قربانی (تک ضرب زنجیر) و …
.
.
مرحوم ذاکر اردبیلی
.
نئجه قان آغلاماز عالملر حسین محنتینه
قویدولار خارجی آدی او شهون عترتینه
.
.
نیزه لرده یارالی باشلاریلان قوم ظلام
اسرا قافله سین ایله دیلر وارد شام
نئچده ساعت دم دروازه ی ساعتده تمام
قالدی اولاد علی، آه اولارون غربتینه
.
.
امر اولوب باشلاری لشکر قاباقیجان آپارون
هر اوغول باشنی مادر قاباقیجان آپارون
قارداشین باشینی خواهر قاباقیجان آپارون
باخا شهر اهلی یزیدون حشم و شوکتینه
.
.
چیخدی شام اهلی تماشایه به ساز و نی و دف
ای دیلیم لال اولسان چالدیلا نقّاره و کف
زینبی ایله دیلر مین غم و اندوهه هدف
ووردولار طعهنه حسینون سویولان عترتینه
.
.
بی حیالر عجبا علم و عداوتده دوروب
آل پیغمبره هر بی سر و پا طعنه ووروب
گزدیروب کوچه به کوچه اولاری تا به غروب
باخ بو شام اهلینون انصافینه حیثیّتینه
.
.
گر ساعغ اولسیدی علمدار حسین ، اهل عزا
ائده بیلمزدی هراسیندن عدو جور و جفا
کیمده جرئت واریدی زینبه بیر قمچی وورا
اولی گُنجیده مگر قارداشینون غیرتینه
.
.
هر مصیبتدن اشدّ اولدی او گون محنت شام
قالدی عریان دوه نون اوسته سوسوز ناخوش امام
گوزی یاشلی دئدی دوغمیدی منی کاش انام
جان فدا بیله امامون او غم و شدّتینه
.
.
نسگل اولسون بو گوزی یاشلی اولان شیعه لره
وئردیلر بیر قوری منزل او ستمدیه لره
بیر نفر اولمادی تا اونلارا بیر فرش وئره
اولدولار راضی نئجه آل علی ذلّتینه
.
.
ذاكرا وار نقدر عمرون ائله آه و فغان
واحسینا دیوسن گوز یاشووی ایله روان
ثبت قیل دفتر غمده بو سوزی ناله کنان
نئجه قان آغلاماز عالملر حسین محنتینه
.
.
#ورود_شام #ذاکر_اردبیلی
#نئجه_قان_آغلاماز_عالملر_حسین_محنتینه
#ترکی
.
✍️ #زبدةالاشعار ✍️
.
🆔: @nohe_torki
نظر دهید