نار غمله آلیشور ساحت مجمر بو گئجه #حیدریه_مصیبی_تبریزی

حالات شب بیست و یکم
#گریز به #شب_عاشورا
.
زبدة الاشعار
.
: @nohe_torki
.
محمد علی مصیبی تبریزی
.
نار غمله آلیشور ساحت مجمر بو گئجه
اود ورور سینه لره پارۀ اخگر بو گئجه
.
قدسیان وااسفا ناله سین افلاکه سالوب
یانیشیر آتش هجرانه ملکلر بو گئجه
.
زمزم آغلار دی علی زمزمه سی گلمیه جاق
موج ائدور روضه رضوانیده کوثر بو گئجه
.
آز قالور ماه عدالت ائده یرلرده خسوف
ابر ظلمتله دوتولسون مه انور بو گئجه
.
موجه آماج اولوری کشتی خونبار ولا
کوفه شهرینده سالور قان آرا لنگر بو گئجه
.
باغبان قامتینی صرصر اهریمن اگور
فکر ائله گوللره نیلر ائله صرصر بو گئجه
.
بودگورسوز ئوله جاق حیدر حسیندن نگران
یا کی زینب باباسیز نیلیر آخر بو گئجه
.
بودگورسوز نئجه شمشیراو باشی پارچالادی
یا نه دن کوفه ده قوزانمادی محشر بو گئجه
.
لوح احساسیمه بیله یازوری کِلک خیال
بودی سوز آج یاتاجاق چوخلی یتیملربوگئجه
.
باغبان بستر رحلتده سارالمیش یوزیلن
دوزولوب دوره سینه غمزده گوللر بو گئجه
.
شب بیست ویک ماه رمضان دور، باتاجاق
نازی گویده چکیلن لولی شب پر بو گئجه
.
آز قالور حیدری راحت ائده شمشیر جفا
قلب عالم دایانا قان اولا گوزلر بوگئجه
.
او گئجه گر بویانوب ساجد و سجّاده قانا
ولی قان آغلوری محرابیله منبر بو گئجه
.
یانوری حِلّ و منا اودلانوری مروه ، صفا
بلشوب قانیله میقاتیله مَشعر بو گئجه
.
گئجه لر کُلبۀ ایتامی گزن شاه زمن
جرعه نوش می ِ هجرانیدی یکسر بوگئجه
.
گلدی بالینینه دخت شه بطحا زینب
آتا باشین چکوب آغوشه مکدّر بوگئجه
.
آناسی ضربت مسماریله مضروب اولموش
آتانین باشیدی شمشیره مکسّر بوگئجه
.
دوشدی ایکّیمجی قراده گینه زینب باشینا
اولوری آیری قرا باشینه زیور بوگئجه
.
الغرض زینبی آرام ائلیوب اهل حرم
گوردیلر شمع کیمی اودلانور حیدر بوگئجه
.
دیوری هاندان هانا ؛ سسلیون عباس گله
واردی بیرسٶز گرک عباس اولا ازبربوگئجه
.
یتیشوب محضر شاه عربه بوفاضل
همجوار اولدی حسینه مه انور بوگئجه
.
مرتضا وئردی حسینون الین عباس الینه
زرگر عشقه باخور زرّیله گوهر بوگئجه
.
دئدی عباسینه ای قائمۀ دین مبین
ایستوری قول آلا سندن شه مضطربوگئجه
.
مرتضی یاتسادا غیرت عَلَمی یاتمیه جاق
علّتی وار دییورم من بوسوزی گر بوگئجه
.
.
.
.
واردی بیر دشت بلا قان دولی دریا اولاجاق
شب ِ عاشور سوزوم سیزلره معنا اولاجاق
.
.
.
.
کربلادور نئجه مأوا او قرانلیق گئجه ده
سیزه مهلت وئرر اعدا او قرانلیق گئجه ده
.
خیمه لرده سو تاپیلماز قوریَر دیل دوداقیز
قورولار مجلس شورا اوقرانلیق گئجه ده
.
مَحَکه حق چکه جاقدی پوزولان لشکریزی
سرّلر فاش اولونا تا او قرانلیق گئجه ده
.
بی وفا وار نه قدر ، لشکری ترک ایلّلر
یتمیش آلاله قالاللا او قرانلیق گئجه ده
.
جان سنون جان بو حسینون بالالاری عباس
قویما آلُ اللهی تنها او قرانلیق گئجه ده
.
قانادین آلتینا آلسان او سینان لشگری سن
لوح عشقین اولارامضا اوقرانلیق گئجه ده
.
سالِ آتمیش بیرِ هجری یتیشوبدور یولدان
شامِ عاشور هویدا او قرانلیق گئجه ده
.
سعدین اوغلی سپه عشقه وئروبدور مهلت
سُفرۀ عشق مهیّا او قرانلیق گئجه ده
.
محضر خالق منّانه مناجات ائده له
دیوله اعظمُ الاَسما او قرانلیق گئجه ده
.
اوّل شبده ابوالفضل امام امریلن
بزم شور ایله دی برپا او قرانلیق گئجه ده
.
لشگری ییغدی اوصحراده قوروب بیر منبر
شه چیخوب منبره باجا او قرانلیق گئجه ده
.
ابتدا حمد و ستایش ائلیوب داداری
دئدی حقدور بیزه یارا؛او قرانلیق گئجه ده
.
جانیزی سیز خطره سالموسیز آللهه گوره
خوش جزا حقّ ائده اعطا؛اوقرانلیق گئجه ده
.
بوحسینی کی گورورسیزصاباحی ئولمه لیدی
قانه غلطان دی سراپا ؛اوقرانلیق گئجه ده
.
راضیم من گئدَنیز اولسا اگر منّتی یوخ
ظلمت شب دی مهیا او قرانلیق گئجه ده
.
کیم قالورحرص وطمع فکرینی باشدان آتسون
واردی چون غملی قضایا اوقرانلیق گئجه ده
.
دئدی عباسه کی ؛ مشعل لری خاموش ایله
ای حسینه یل هیجا ؛او قرانلیق گئجه ده
.
سوندی مشعل ایاقا دوردیلا بیگانه قشون
عشقی چون ائتدیله حاشااو قرانلیق گئجه ده
.
تک قویوبلار پسر فاطمه نی چوللرده
خلق بی مایه و سُفلیٰ او قرانلیق گئجه ده
.
ائله کی مشعلی یاندیردیلا صحنه گورونوب
بیرسینیق کشتیدی گویا او قرانلیق گئجه ده
.
زینبین قلبی دوشوب لرزیه گوزلر دولدی
دئدی کیمدور بیزه یارا؛او قرانلیق گئجه ده
.
شه دیوب سیزده دورون ترک ائلیون مخمصه نی
من اولوم طُعمۀ اعدا؛او قرانلیق گئجه ده
.
عوسجه اوغلی دوروبدور ایاقا قیلدی خطاب
ای منیم عشقیمه معنا ؛او قرانلیق گئجه ده
.
گئتمرم بو قاپودان تا بولونه نیزه میلن
سینۀ دشمن خارا او قرانلیق گئجه ده
.
دئدی نیزمده گئده داش وُرارام دشمنیمه
جان فدادور سنه مولا ؛او قرانلیق گئجه ده
.
صونرا عشقیله زهیریدی کی دوردی ایاقا
عهدینه ایلوری ایفا او قرانلیق گئجه ده
.
دئدی مین دفعه منی دوغرییَلر جان وئره لر
گینه ئوللم بو قاپوندا ؛ او قرانلیق گئجه ده
.
بیربه بیر نافع و جون و وهب و سعد ائدوب
شرفین لوحینی امضا او قرانلیق گئجه ده
.
اونلارون سوزلری تا دیلدن اولوبدور جاری
زینبه اولدی تسلا او قرانلیق گئجه ده
.
شه یوزون دوتدی عقیلین قالان اوغلانلارینا
دئدی مندن سیزه فتوا؛او قرانلیق گئجه ده
.
مسلمون ئولماقی بس دور سیزه اولاد عقیل
سیزاولون تارک ِدعوا؛او قرانلیق گئجه ده
.
دئدیلر بیز گئده بیللوخ هارا ای شاه زمن
کربلا دور بیزه ماوا؛او قرانلیق گئجه ده
.
ایستیروخ زینبیوین قلبی اله گلسون حسین
اذن وئردی شه والا او قرانلیق گئجه ده
.
چاتدی چون نوبه بنی هاشمه عرض ادبه
قاسم و اکبر و سقا او قرانلیق گئجه ده
.
هامی ابراز ائلیوب عشقینی شاه عربه
نه سریّه خودِ لیلا او قرانلیق گئجه ده
.
فخر ائدوب شاه زمن بیر بئله یار و خدمه
مرحبا سویله دی مولا او قرانلیق گئجه ده
.
ایکی بارماق آرا گستردی بهشتی اولارا
دئدی واربیربئله مأوا؛او قرانلیق گئجه ده
.
هامی بیربیرباخوب عشقیله هوسلندی؛ ولی
بیر نفر باخمادی اصلا او قرانلیق گئجه ده
.
باشینی سالمیش اشاقه یانا یانه دیوری
نیلوری جنّتی سقا او قرانلیق گئجه ده
.
بیلوسن ؛ جنّت عباس وجودیندی حسین
کی منم وصلیوه شیدا؛او قرانلیق گئجه ده
.
دئدی ؛ حتی بو قانین آخماقی کافی دگوری
کی گرک دوغرانا اعضا؛اوقرانلیق گئجه ده
.
سال«مُصَـیّب»یادیوا قبریوین اوّل گئجه سین
واردی بس وحشت عظمااوقرانلیق گئجه ده
.
بی ریا سسله ابوالفضل آدینی قوخماگیلن
یتیشر دادیوه سقا او قرانلیق گئجه ده
.
#حیدریه_شهادت
#نار_غمله_آلیشور_ساحت_مجمر_بو_گئجه
#ترکی
.
#زبدةالاشعار
.
: @nohe_torki