زبدةالاشعار

سالون یاده حسینین کربلاسین #عاشورا_صحاف_تبریزی

روز عاشورا
.
.
مرحوم صحاف تبریزی
.
.
سالون یاده حسینین کربلاسین
سوسوز دین اوسته یتمیش بیر فداسین
.
او صحراده گوزل قانی حسینین
بو دینین ایلدی محکم بناسین
.
حسینین محشری یاددان چخاتدی
قیامتدن قیامت ماجراسین
.
خلیل الله گلیدی بیر گوریدی
خلیل کربلا کوه مناسین
.
هانی هاجر گلوب تصدیق ایدیدی
مقام عشقده لیلا وفاسین
.
سوسوز قربان وئروب دین مبینه
على اکبر کیمی بیر مه لقاسین
.
گلنده قانلی نعشی خیمه گاهه
پوزولدی عترت طاها و یاسین
.
قیام ائتدی قیامت خیمه لرده
آچاندا شاه دین یرده عباسین
.
ال آتدی ساچلارین یولدی خانملار
اوجاتدی گویلره شور و نواسین
.
او ساعت اُمّ لیلا غشّدیدی
گتوردی حاله کیم اکبر آناسین
.
آنا گلدی اوغول نعشینه باخدی
توکوب رخساره اشگ پر بھاسین
.
علینین اؤپدی بیر قانلی یوزوندن
اَله صبریله گتدی حق رضاسین
.
الین زُلفین یوزون قانه باتوردی
یانان قلبینده گیزلتدی صداسین
.
او ساعتدن امان قولسوز یر اوسته
حسینین یخدیلار صاحب لواسین
.
قالوب بیر باش نچه جلاد الینده
گورون بی رحم دشمنلر جفاسین
.
الینده اصغری پیغمبر اوغلی
قوشوندان ایلدی سو التماسین
.
او طفلی ائتدیلر قانیله سیراب
باشیندان اصغر آتدی سو هواسین
.
عزیز فاطمه آتدان دوشنده
بروزه وئردی دشمنلر جفاسین
.
او قدری ووردیلار داش نیزه خنجر
آپاردی قان وجودیندن قواسین
.
کسنده شمر حسین باشین قفادن
دوتولدی گون کسوب یردن ضیاسین
.
قرا یل لر اسوب قان یاغدى گویدن
اوجاتدی زینب عرشه وا اخاسین
.
قالوب نعشی یر اوسته قانلی باشی
مزیّن ایلدی شمرین جداسین
.
دایان «صحاف» الینده یاندی خامه
داخی یازما شهادت ماجراسین
.
.
#عاشورا #صحاف_تبریزی #عاشورا_گونی #ترکی #زبدةالاشعار

متن پیشنهادی:  عم اوغلی اولمیوب اولماز دل اهلی محنتسیز #فاطمیه_شمس_شاب_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی