نجه آخماز گوزومدن قان برادر

کوچ از کربلا
.
زبدة الاشعار

?: @nohe_torki
.
مرحوم میرزا محسن خطاط ( حالی اردبیلی )
.
نجه آخماز گوزومدن قان برادر
اولوب گول پیکرون الوان برادر
.
نجه طاقت ایدیم چون قان آخوبدور
اولوب دریا کیمی میدان برادر
.
باجون تاب ایلمزکیم مه جمالون
اولوبدی یاره دن پنهان برادر
.
بوغملردن دلیم قانه دونوبدور
قالیب گول پیکرین عریان برادر
.
دوشوب بیریانه بو صد پاره جسمون
اوخورگویده باشون قرآن برادر
.
سوسوز ایسی قوم اوسته جسم پاکون
سنون تک اولمیوب مهمان برادر
.
دلیم غم شعله سی اودلاندیروبدور
ائدیب قلبیم ائوین ویران برادر
.
بو غربت اولکده اولدوخ عجب بیز
اسیر فرقۀ عدوان برادر
.
ائدیب بو ظالمان بی مُروّت
منی پابستۀ حِرمان برادر
.
ایاقه دورگوزون آچ خیمه گاهین
نئجه گور ائتدیلرتالان برادر
.
گئنه بو ظلمیله سعد اوغلی کافر
بس ائتمیب ائیلیب فرمان برادر
.
هامی غمدن ولی بو غمدی فائق
کی سندن ایلرم هجران برادر
.
دویونجا آغلاماق اولماز بوگونده
کی قویماز شمر بی ایمان برادر
.
نئجه تاب ائلییم آغلار سکینه
ائدر چوخ ناله و افغان برادر
.
ائدیبسن اولیای حقی مأمور
کی تا محشر اولا گریان برادر
.
ائدیبلر حالینی «حالی» کی اولسون
بو غمده طوطی نالان برادر
.

#کوچ_کربلا
#نجه_آخماز_گوزومدن_قان_برادر
#حالی_‌اردبیلی
#ترکی
.
#زبدةالاشعار

?: @nohe_torki