زبدةالاشعار

خمیده قامت افلاک بار محنتدن #حیدریه_حقیر_خویی

شهادت حضرت علی(ع)
#گریز به حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
مرحوم میرزا عبدالوهاب حقیر خوئی
.
.
خمیده قامت افلاک بار محنتدن
سپهر ششدر حیرتده مات حیرتدن
.
قالوبدی ثابت و سیاره محو و آواره
سرشک دیده ی انجم روانه حسرتدن
.
مثال هاله قمر دوره سین آلوبدی هلال
هلال تک اریوب آی ملال و محنتدن
.
گونون یوزی سارالوب غصه دن دوتوب یوزینه
نقاب شرم و حیا کثرت خجالتدن
.
نچون غروب ائلیوب آفتاب مشرق دین
ائدوبدی عالمی ظلمت احاطه ظلمتدن
.
اولوبدی چشم جهان تیره صفحه ی گیتی
غبار و رنگ کدورت دوتوب کدورتدن
.
عیونیدن قطرات دموع اولور نازل
نجه که قطره ی باران سحاب رحمتدن
.
خروش غلغله فریاد وا علیّادن
سالوب صوامع افلاکه شور وحشتدن
.
گلوبله نالیه سکّان عالم اعلا
قالوب ملائکه تسبیحیدن عبادتدن
.
دیار کوفه ده برپا بوگون قیامتدور
بلی نمونه دی محشر همین قیامتدن
.
نه چوخ مصیبت عظمادی ماتم کبری
که هئچ مصیبت یوخ نسبتی بو نسبتدن
.
بیر اوزگه حادثه وار نوزدهم رمضان
بو گونکه گوندی عبارتدی روز ضربتدن
.
نماز صبحیده شمشیر لافتی باشینا
ووروبلا داد جفای شقیّ امّتدن
.
قیلوب صلاة حقیقی نمازیله معراج
آلوب سراغ چو خلوت سرای وحدتدن
.
مقام راز و نیازه دوروب نماز اوسته
نوید وصل یتوب بارگاه عزّتدن
.
تقرّب عالمینی سیر ائدوب توجّهی محض
لقای حقّه اولوب صورت و حقیقتدن
.
شروع ائدنده نمازه قیام حالینده
اولوب شهادته قائم خلوص نیّتدن
.
قویاندا سجدیه باش باشینه دوروب جبریل
اودم که باش گوتوروب سجده گاه طاعتدن
.
کمین ائدوب دالیدان ابن ملجم بی دین
وئروب خباثتینی ظاهره شقاوتدن
.
اشاره ائتدی نه اولدی اشاره کافیدی
قویوب دوباره باشین بی حدّ جراحتدن
.
وجودینه اثر زهر زخم کاری دن
سرایت ائتدی گلوب ضعف دوشدی طاقتدن
.
جمالی قانیله چون آفتاب اولوب خونین
چیخوبدی قرمزی گون مشرق امامتدن
.
طلوع صبحیده وئردی نشان جبینینده
نشان شقّ قمر معجز رسالتدن
.
اولوب شکافته فرقی بلا تفاوت فرق
گوروندی کرب و بلادن اثر علامتدن
.
ایکی علی بیری حیدر لقب بیری اکبر
شهادتینی ادا ائتدیلر شهادتدن
.
محبت اهلینه باشدان وئروبدیلر سرمشق
بلی حقیقته یول گوسترولّه صورتدن
.
قلجلانوب باشی هر یک بودور قرار باشین
وئرر قلج دمینه دم ویران محبتدن
.
بدون فرق ایکی صورت حقیقتاً بیر اولوب
ظهوره معنی وحدت گلوب شراکتدن
.
اودم که منقذ اولوب ابن ملجم ثانی
مصمّم اولدی علی قتلینه عداوتدن
.
قلج چکوب او جوان محمدی یوزینه
گوروب پیمبره چوخ بنزوری شباهتدن
.
گوزون یوموب قلجی باشدان اندیروب باشینا
یوزین گوزین دوتوب آخدوقجا قان جراحتدن
.
اگیلدی قدّ دل آراسی قوللارین سالدی
عقاب بوینونا دوشدی قولی چو قوّتدن
.
الینده خنجر خونخوار ناگهان یعقوب
یتوردی یوسف آل عبانی غفلتدن
.
قولوندا وار نقدر زور و خنجرین ووردی
آچوب شکایته خنجر دلین شکایتدن
.
نهاد خنجر فولاددن گلوب فریاد
امان بو ظالم بی رحم و بی مروّتدن
.
دگوب دالیندان اورکده دایانمادی گئچدی
نشست ائدوب جگر مصطفایه حدّتدن
.
نفس کسیلدی اورک گئتدی ضعف اولوب غالب
دولاندی حالی گچوب ضعفی تا نهایتدن
.
گورونمیوبدی که یعقوب یوسف اؤلدورسون
اولوب بو قاعده جاری خلاف عادتدن
.
یخیلدی فرش تراب اوستونه عقاب اوستن
مقام فرش اولوب عرش برین شرافتدن
.
قویوب علی کیمی باش سجدیه علی خلفی
ادای سجده ی شکر ائتدی قصد قربتدن
.
طلسم جسم سینوب مرغ روح ائدوب طیران
فضای گلشن قدسه علوّ همّتدن
.
« #حقیر » حالت تقریر قالمادی دلده
قلم اشاقه سالوب باشینی خجالتدن
.
.
#حیدریه_شهادت
#اکبریه_شهادت
#خمیده_قامت_افلاک_بار_محنتدن
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  بیر نفر یوخدی حسین شام غریبانه گله #شام_غریبان #نادری

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی