راجع به مادر و گریز به حالات حضرت زهرا سلام الله علیها
..
..
..
..
سیفی اردبیلی
..
..
..
..
نشان رحمت خلّاق لامکان ننه دی
طلیعه ی شرف و عشق جاودان ننه دی
..
نماز تک ننه نون احترامی واجبدی
کلید دار در دولت جنان ننه دی
..
نجه ایکه کعبه مسلمانه قبله گه سایلار
مثال کعبه اولان قبله گاه جان ننه دی
..
فُلا تَقُل لَهُما اُفّیدن مراد خدا (1)
بیری آتا بیری دلدار مهربان ننه دی
..
وفا و معرفتون باغ باصفا سینده
جفای خاره دؤزَن غملی باغبان ننه دی
..
انیس محنت اولان دوقّوز آی گئجه گوندوز
صدفده گوهری زحمتله ساخلیان ننه دی
..
حرام ائدن ئوزینه هر گئجه شیرین یوخنی
هزاره مثلی گله لایلای چالان ننه دی
..
چیچگه شیره ی جاندان وئرن شکوفائی
گل اوسته سایه سالان مرغ نغمه خوان ننه دی
..
جوانه تک بالاسین نقد جانیلن بجرن
سولاندا یاپراقی بلبل تک آغلیان ننه دی
..
اوشاق ملر ننه تئز تئز ئوپر دوداقلارینی
بهای جانه دیر ناله وی آلان ننه دی
..
دوتار دوشین بالانون آغزینا گور اممز
گوزون فداسی دیر ام سنه یانان ننه دی
..
وصال حُسنوه پروانیم دیر گوزلیم
شرار عشقوه هر لحظه پر وران ننه دی
..
دوداق بوزوب منه آلما قراریمی الدن
او گل دوداقوه باخدوقجا دویمیان ننه دی
..
حوادثاتیله غم یوز وئره گر اولاده
اَوَلده آه چکوب قلبی چرپشان ننه دی
..
هر اوشاقون قونا توز زلفینه و یا تلینه
اورک باشیندا او زلفی داراقلیان ننه دی
..
اوغول ایاقینه داش دگسه دیسکنر قلبی
بالا غمینده اولان گونده باغریقان ننه دی
..
بالا بیر آخ دئسه مین اوخ دیر یانار اوره گی
اونون ملالینه جان نقدی یاندیران ننه دی
..
آنانون آرزیسی عالمده بیر بالا طوئی دی
او طویدان اوتری گونی ساعتی سایان ننه دی
..
قایی قاپی دولانار ائلچی لیکده هر بیر آنا
عروس نخل امیدین آداخلیان ننه دی
..
..
#گریز #فاطمیه_شهادت
..
..
واریمدی بیر آناداندا على ائوینده خبر
اگرچه تئز قوجالوب سنّیده جوان ننه دی
..
نه قز کؤچرتدی ائویندن نه بیر گلین گتدی
یانان اورکده گوزل حسرتی قالان ننه دی
..
نجه آنیدی بو زهرا على بالالارینا
صفای عشقینی تاریخلر یازان ننه دی
..
فنا جهاندا فقط دوقّوز ایل گلین اولدی
ملالی اهل دلی یاندروب یاخان ننه دی
..
سینوبدی قوش کیمی صیاد الینده بال و پری
سرای عزّتی جوریله اودلانان ننه دی
..
یوزینه سیلی دگوب قان دولان قرا گوزینه
قابورقاسی در و دیواریدن سنان ننه دی
..
یاراسی سینه ده گیزلین مزاریده گیزلین
قرانقلوق گئجه محنتله دفن اولان ننه دی
..
بالاسی بطنیده دوشدی شراره غملی خانم
سودی دوشینده اولان پارچا پارچا قان ننه دی
..
جنازه سی غربا مثلی ساده قبره گئدوب
گورون بو فاطمه نه محنت آشیان شته دی
..
نقدری «سیفی» آنون ساغدی ئوب الین ایاقین
جواز جنّت موعود لامکان ننه دی
..
..
..
(1) وَ قَضى رَبُّكَ أَلّا تَعْبُدُوا إِلّا إِيّاهُ وَ بِالْوالِدَيْنِ إِحْساناً إِمّا يَبْلُغَنَّ عِنْدَكَ الْكِبَرَ أَحَدُهُما أَوْ كِلاهُما فَلا تَقُلْ لَهُما أُفٍّ وَ لاتَنْهَرْهُما وَ قُلْ لَهُما قَوْلاً كَرِيماً – اسرا 23
..
..
..
#مادر #سیفی_اردبیلی
#ختم_خوانی #فاطمیه #فاطمیه_شهادت #مادر_سیفی_اردبیلی
#نشان_رحمت_خلاق_لامکان_ننه_دی
#ترکی
#زبدةالاشعار
متن های پیشنهادی برای شما
بویوردی ختم الانبیا سفینة النّجا حسین #حسینیه_یحیوی_اردبیلی
حالات شیخ بنی اسد و شام غریبان . 
#زبدةالاشعار . 
: @nohe_torki . مرحوم یحیوی اردبیلی . بویوردی ختم الانبیا سفینة النّجا حسین چراغ رهنما حسین مدینة الرّجا حسین الینده نور پرچمی قدم قویاندا محشره شفیع اهل حقّدوربیشتر
یتیش امدادیمه ای غم گونی غمخواریم عمو #قاسمیه_شهاب_تبریزی
استمداد حضرت قاسم (ع) .. .. .. .. مرحوم شهاب تبریزی .. .. .. .. یتیش امدادیمه ای غم گونی غمخواریم عمو دوره می دشمن آلوب یوخدی هواداریم عمو .. .. .. .. آهو تک صیده ایدوب آخر منی صیاد عمو جان خنجر الده باشیم اوستونده دیبیشتر
مریض درد عشقم هجردن باغریم اگر قاندور #مهدیه_فانی_تبریزی
یا مهدی . . . فانی تبریزی . مریض درد عشقم هجردن باغریم اگر قاندور آلوب میگون لبون رنگین علاجی وصل جاناندور . خط و خالون گورن گوندن ویریلدیم حسنوه دلدن نچون مه عارضون گوردوم جمال حقّه برهاندور . جمالوندن عیان والشّمسبیشتر
بو دل شبده منی یاد ایلدون سن یارالی #حضرت_رقیه_شعاع_تبریزی
زبانحال حضرت رقیه سلام الله علیها . زبدة الاشعار . ?: @nohe_torki . مرحوم شعاع تبریزی . بو دل شبده منی یاد ایلدون سن یارالی بو نه عالمدی بابا سن یارالی من یارالی . کُر:: یارالی جان یارالی من سنه قربان یارالی بو نهبیشتر
نه صبح دور که طلوعی علامت غمدور #عاشورا_قمری
صبح عاشورا . . مرحوم قمری . . نه صبح دور که طلوعی علامت غمدور اسر نسیم مصیبت هوای ماتمدور . سبب ندور که دوتوب شور و ناله آفاقی دگوبدی بیر بیره دنیا نه سرّ مبهمدور . قیام ایدوبدی قیامت عیان اولوب عرصات چوخ انقلابیلهبیشتر
وئرین ای شیعیان مژده امیر مومنان گلدی #حیدریه
میلادیه حضرت امیرالمومنین، مولی الموحدین علی ابن ابیطالب (ع) . #زبدةالاشعار . : @nohe_torki . محمد رضا بیگلی ( رضوی زنجانی ) . وئرین ای شیعیان مژده امیر مومنان گلدی قدومیندن وورا بوسه پر آچدی قدسیان گلدی . شه ملکبیشتر
نظر دهید