نطقه گل دردون منه آندور آنا یا فاطمه #فاطمیه_تائب_تبریزی

زبانحال امام حسین (ع) خطاب به مادرش
سوال و جواب
زبانحال امام حسین (ع)
#نطقه_گل_دردون_منه_آندور_آنا_یا_فاطمه
#زبانحال حضرت زهرا (س)
#ایتمه_افغان_پوزما_زهرانی_حسینیم_آغلاما
.
#زبدةالاشعار
.
: @nohe_torki
.
مرحوم تائب تبریزی
.
نطقه گل دردون منه آندور آنا یا فاطمه
آز حسینون قلبینی یاندور آنا یا فاطمه
.
.
بیله حالیله گوره بیلمز سنی ئولسون حسین
بیر دانش گول گولماقین گورسون سنون گولسون حسین
دردیوی گیزلتمه کشف ایت دردیوی بولسون حسین
وار نه دردون دلده پنهاندور آنا یافاطمه
.
.
سن پیمبر گلشنینده بیر گوزل گلسن آنا
وار نه علت ناله دن شوریده بلبل سن آنا
شاد اولار قلبیم گولر بیرده دیوب گولسن آنا
گوزلرون چوخداندی گریاندور آنا یا فاطمه
.
.
سن ملول اولسان هامی عالم ملول اولسون گرک
گوزلرون دولسا هامی گوز اشگیله دولسون گرک
گل یوزون سولسا هامی گلزار و گل سولسون گرک
سن سؤونسن دهر شاداندور آنا یافاطمه
.
.
به سبب واردور آنا بیله بولود تک دولموسان
صرصر ظلمیله سولموش گلستان تک سولموسان
اوز حیاتوندان مگر بالمرّه مأیوس اولموسان
یا حیات امّیدی حرماندور آنا یافاطمه
.
.
وار نه علت خود بخود رخساره گوز یاشون آخور
گه حسینه گوزلرون گه زینبه حسرت باخور
یاندیرور طرز نگاهون قلبیمی اود تک یاخور
اوغلوام دردون منه آندور آنا یافاطمه
.
.
گوزلرون گورّم دولوب من دردیله دولّام آنا
حالیوی پوزقون گوروب پژمرده حال اولّام آنا
گل ووزون گورّم سولوب منده باخوب سولّام آنا
گوئیا گل برگی خنداندور آنا یافاطمه
.
.
درد و محنت داغلی دلدن صبریوی آلمیش ندن
نار حسرت جانوه بیر بیله اود سالمیش ندن
واضحین سویله بئلونده بس الون قالمیش ندن
سرو قدّون مثل چوگاندور آنا یافاطمه
.
.
گورمورم علت ندور مدّتدی من دلخوش سنی
دولموسان غمله ایدور سور عالمیندن بوش سنی
داغلانور قلبیم گورنده ای آنا ناخوش سنی
لاله تک باغریم دولى قاندور آنا یافاطمه
.
.
ای گل طاها نه تیز سولدون جفای خاردن
طوطی شیرین سخن دوشدون نه تئز گفتاردن
سرو قدّون بوکدی غم دوشدون بیله رفتاردن
گوزلرون چون ابر نیساندور آنا یافاطمه
.
.
نولدی بیله قانه دوندی گوزده گوز یاشون سنون
عالمی اودلار ندن آه شرر پاشون سنون
نه سبب وار تیز آغاردی مشگ تک باشون سنون
حالتون بیله پریشاندور آنایافاطمه
.
.
سن اوسان دائم اوپوب ایگلردی پیغمبر سنی
سن اوسان چوخ لطفیله ایلردی زیبِ بر سنی
خوش دلیله دیندیرردی هر دم اول سرور سنی
ایمدی آهون سینه سوزاندور آنا یافاطمه
.
.
سن اوسان دلدن آدون سالمازدی جدیم مصطفا
دائماً سسلردی زهرایه اولا جانیم فدا
گلسون ایمدی کاش بیر گورسون او ختم الانبیا
سنده نه حالت نمایاندور آنایافاطمه
.
.
ای اولان عالمده خورشید رسالت کوکبی
قزلارون گورنه اوجالموش ذکر یارب یاربی
بیر باجیم کلثومی دیندیر بیر دانشدیر زینبی
هر بیری بیر یاندا نالاندور آنا یافاطمه
.
.
بیر گوز آچ ایله نظاره گوشۀ چشمیله سن
گور نجه بیر حالته قالموش حسینیله حسن
نه دلیله دل دیوللر بو ایکی شیرین سخن
سوزلری دلده آنا جاندور آنا یافاطمه
.
.
احمدیدن ایلدی بیله سفارش رنجبر
رشتۀ نظمه دوزوب تائب بیله عالی گھر
بسدی زهرایه دیسه سلطان مظلومان اگر
شاعر و بانی نواخواندور آنا یافاطمه
.
.
#فاطمیه_تائب_تبریزی
#فاطمیه_شهادت
#ترکی
.
#زبدةالاشعار
.
: @nohe_torki