زبانحال حضرت صغری (س)
.
✍️ #زبدةالاشعار ✍️
.
🆔: @nohe_torki
.
سید محسن رجایی (مجنون)
.
نقاب ائتمه على مه صورته زلف سمن سادن
گونی سال حیرته حسن جمال عالم آرادن
.
سحاب ایچره جمالین گیزلدر آی فرط خجلت دن
سحر انوار حسنون باش ویرنده شرق بطحادن
.
سالوبدور شعشعه شمس جمالون یثربه گویا
تجلی ایلیوب نور الهی طور سینادن
.
جمال بی نظیر حضرت پیغمبری خلقه
تداعی ایلسون بو قامت و بو روی زیبادن
.
بیاض چهر رخشانون علامت صبح صادقدن
سواد زلف شبرنگون نشانه لیل یلدادن
.
اگر گلسه خرامه قامتون صحن گلستاندا
یقین دور پست اولار سرو سهی بو قدّ و بالادن
.
گورنده دیدۀ مخموریوی بیمار اولار نرگس
یوزون رونق آلار بو رنگیله گلبرگ رعنادن
.
اگر لعل لبون اوصافینی تحریر ایده خامه
گرگ شرح مفصّل درج اولا شهد مصفادن
.
صفوف دشمنی هیجا گونونده تارمار ایلر
خدنگ تیر مژگانون گچه گر قلب اعدادن
.
عجب بیر حسن دور حسنون اودور گلزار رویونده
نقدری سیر ایدیر گوز دویموری هرگز تماشادن
.
وجاهت مصدرینده یوسف کنعان یثرب سن
دل آلمیش بیر نگاه نازیله مین لر زلیخادن
.
تخیّل عالمینده بیر دقیقه آیرلیق فکر
سالاردی قلب محنت دیدۀ صغرانی یارادان
.
نجه ایمدی گوروم شوق سفر شوریده باشوندا
عراقه عزم ایدورسن مسکن و مألوف Hبادن
.
گره ویرمش طناب عمرینی اول تار زلفونده
مریضه بیر باجون کی قطع اولوب امیدی دنیادن
.
مخالف چال عراق آهنگینی قلبیمده تشویشیم
منی آگاه ایدور باشوندا کی غملی قضایادن
.
رضا اولما وجودیم آتش هجرانه اودلانسون
گوزوم یاشی سبق آلسون بو گون امواج دریادن
.
على طرز نگاهون آخرین دیداری شرح ایلور
بلى اهل محبت درک ایدر اسراری ایمادن
.
نه وار بو آیریلقدا بولمورم اما مشام جان
بو گون بوی خزان احساس ایدور گلزار زهرادن
.
اگر سودای وصلونده باجون جان نقدی صرف ایتسه
مسلّم بول على هرگز زیان ایتمز بو سودادن
.
اگر بو ناگوار عمری قوتارسام کنج بسترده
تمنّا ایتمرم هرگز شفا دست مسیحادن
.
بهار وصلیمی هجرانیله اما خزان ایتمه
الیمدن دامنون چکمه على آیریلما صغرادن
.
نگاه گاه گاهیله منی مست و خراب ایله
فزوندور نشئه سی دیداریوون مین جام صهبادن
.
منى بو نوعیله درد و فراقه مبتلا ائتسن
ئولونجه سوز آهیم اوج ایدر افلاک خضرادن
.
دم آخر حضوروندان فقط بیر خواهشیم واردور
سینار قلبیم اگر مأیوس قیلسان بو تمنّادن
.
منی همراه آپار نالم دَرایِ کاروان اولسون (1)
خموش و بی صدا کچمز قوافل کوه و صحرادن
.
اگر گزلینده دردون وار دواسین ایستیسن «مجنون»
ال اوزمه دامن آرام جانِ امّ لیلادن
.
(1)درا:زنگ کاروان
.
#خروج_مدینه
#حضرت_صغری #رجایی_تبریزی
#نقاب_ائتمه_على_مه_صورته_زلف_سمن_سادن
#ترکی
.
✍️ #زبدةالاشعار ✍️
.
🆔: @nohe_torki
نظر دهید