زبدةالاشعار

نقدری یابن الحسن شیعه لر بلا گوره جک #مهدیه_انور_اردبیلی

یا مهدی
.
✍️ زبدة الاشعار ✍️
.
🆔: @nohe_torki
.
مرحوم انور اردبیلی
.
نقدری یابن الحسن شیعه لر بلا گوره جک
نقدر ظلمه دوزوب رنج و ابتلا گوره جک
.
.
هاچان عدوّلرون قدرتی مهار اولاجاق
لوای ظلم یاتوب عدل برقرار اولاجاق
هاچان او حُسن رخون پرده دن کنار اولاجاق
هاچان محب لرون دردینه دوا گوره جک
.
.
نه وقتیده گوره سن یا بقیة الاخیار
غلافدن چخاجاق ذوالفقار آتشبار
نظام دین تاپاجاق روح نظم و استقرار
جهان یوزونی جهان اهلی جانفزا گوره جک
.
.
دولوبدی فسق و فسادیله عالم امکان
بشره غالب اولوب ضعف مذهب و ایمان
غریب عصریدی واغربتا دیور قرآن
هاچان کتاب خدا حکمنی رسا گوره جک
.
.
نه اهل ذکر و دعادن یتور قبول دعا
نه صبر وار فقراده نه اغنیاده عطا
نه مهرباندی بیوک لر نه وار کیچیک ده حیا
نقدر خلق ئوزونی جهله مبتلا گوره جک
.
.
وئروب تدیّن و تطهیره لطمه انسانلار
خموش اولوبدی تعدّیله شمع وجدانلار
فرنگ صورت اولوب صورتاً مسلمانلار
یوبانسون عالم ئوزون مرکز جفا گوره جک
.
.
ال آت قلنجووا ای دست انتقام خدا
چاغور او اوچ یوز اون اوچ شخصی داده یا مولا
سن انقلاب کبیر ائتمسون اگر بر پا
مگر سفینۀ دین ساحل نجا گوره جک
.
.
روا دگول ایله گوز یاشلی منتظر قالاسان
گرک گلوب بو جهان ملکینه صدا سالاسان
بنی امیه صفتلردن انتقام آلاسان
سنون قدوموویله عالم اعتلا گوره جک
.
.
.
متن کامل این شعر در موضوع احوالات سبط اکبر ، معصوم چهاردهم امام حسن مجتبی علیه السلام و گریز به شهادت ایشان را در هشتک زیر مشاهده بفرمایید:
#نقدری_یابن_الحسن_شیعه_لر_بلا_گوره_جک
.
#مهدیه
#نقدری_یابن_الحسن_شیعه_لر_بلا_گوره_جک_مهدیه
#انور_اردبیلی
#یادگار_انور
#ترکی
.
✍️ #زبدةالاشعار✍️
.
🆔: @nohe_torki

متن پیشنهادی:  مژده سیزه روزه داران گلدی معنی قرآن قرآن #حسنیه_ابراهیم_پور_خویی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی