در مدح و ضربت و شهادت حضرت امیرالمومنین علیه السلام
#گریز به #کوفه
✍️ زبدَةُالاَشعار ✍️
?: @nohe_torki
الماسی اهری
نقدر اوخونسا قوتولماز ثناسی مولانون
بیانه گلمیاجاقدور سزاسی مولانون
گلیبدی بیت خداده بو فانی دنیایه
وئروبدی رتبه ی اعظم خداسی مولانون
قدومی وئردی صفا بو جهانه البته
منوّر ائتدی او ایزد نماسی مولانون
علینی وصف ائلَمگده قلمده عاجزدی
دوتوبدی یئر گویی مهر ولاسی مولانون
جهاندا باعث و بانی دی خلقته واردور
جلال ومرتبه ی پر بهاسی مولانون
بدون حبّ علی یوخ عبادتون ثمری
گرگ اولا هر اورگده صفاسی مولانون
اگر چه صاحب جاه و جلال اعظمدی
ولی چوخ اولدی باشندا بلاسی مولانون
قوجاتدی کوفه نون اهلی جهالت اوستونده
دوشوبدی درده دل مبتلاسی مولانون
گییَردی کهنه لباسی اگر چه اگنینده
واریدی عزت و عصمت لباسی مولانون
یتیمیلر آتاسی دی همیشه باب رجا
اولاردی گوزلری روشن گداسی مولانون
فقیر و بیوه و مسکین آلاردی درمانین
ائدردی راضی او دست گشاسی مولانون
او غملری کی علی هضم ائدوبدی قلبینده
اولوبدی باعثی گئتسون قواسی مولانون
سالاندا یاده او کوفه رذیل و پستی لرین
همیشه تازه لنور ماجراسی مولانون
اولوندی ایرمی بش ایل چون ائوینده زندانی
چوخالموشیدی اورگده یاراسی مولانون
او کسلری کی ائدردی اطاعت امریندن
اولوندی دشمن شوم ودغاسی مولانون
فراق فاطمه هجر رسول خاتمدن
سالاردی یئر گویه لرزه نواسی مولانون
دییَردی چاهه او شیر خدا اورگ دردین
اولاردی گوز یاشیلان تر عباسی مولانون
گلون قضاوت ائدون ای علی مریدیلری
گورون کی وار غم بی انتهاسی مولانون
واریمدی چون ایکی مطلب گرکدی فاش اِلییَم
بو شیعلر اولا ای کاش فداسی مولانون
بیری بودور کی شجاعت علی ده معنادور
جهانه فاش اولونوبدور قواسی نولانون
زمانه باغلادی امّا علینون الّرینی
گلوبدی تنگه دل غم سراسی مولانون
ویریبلا ظلمیله آتش کرملی درگهینه
قالوب قاپی دالسندا هماسی مولانون
مگر علینون عیالین ویرا بیلر میشلر
بوجور یازیلدی خدادن قضاسی مولانون
ویریبدی کوچه ده ثانی جفا ایلن سیلی
سولوبدی گول کیمی چون دلرباسی مولانون
قالوب قضا قفسینده او فاتح خیبر
مگر نَییدی خدایا خطاسی مولانون
ایکیمجی مطلبیم امّا بودو علی حقدی
عبادتینده ده یوخدور ریاسی مولانون
جهاندا عالم و بیرده سخن ور کامل
تمام علمیده وار ادّعاسی مولانون
ولیٌّ حٌجَّتِ خالق دی ناطق قرآن
حقه هدایت ائدور خوش صداسی مولانون
دانشماغیلا ائدردی جماعتی بیدار
عدالتیدی سوزی رهنماسی مولانون
به زور حاکم غاصب علوم و اندرزی
اورگده حبس اولونوب چون نواسی مولانون
قالوبدی ائوده علی ، او باب شهر علوم
یتوبدی مسنده باطل گراسی مولانون
خراب اولا بو جهانی بِئلَنچی دورانی
کی دوندی شامه او صبح ومساسی مولانون
دولاندی چرخش دوران او قرخ هجرت چون
گلوبدی باشلادی امّا عزاسی مولانون
نٌوٌزده رمضاندا همانکی ایل گویا
خبر وئروبدی کی کولثوم بالاسی مولانون
غرض همان گئجه مهمانیدی آتام بیزده
عجیب اولونموشیدی چوخ اَداسی مولانون
طعامه باخدی دئدی سو بسیمدی قیتر آپار
بو شهریده هله وار بی غذاسی مولانون
دئیور کی باشلادی راز و نیازینی امّا
چوخ اولدی راز و نیاز و دعاسی مولانون
یتیشدی وقت سحر تا اولوبدی وقت نماز
شروع اولوب محن جان فزاسی مولانون
چیخوبدی چونکی شبستانیدن گئدوب صحنه
عیان اولوندی او سرّ خفاسی مولانون
گلوبدی بیر نئجه مرغانی آلدی اطرافین
دیّولّه یعنی کی وار اشقیاسی مولانون
گئدنده حلقه ی در ئیلیشدی منع ائتدی
او گتمکه کی یوخیدی هراسی مولانون
گئدوبدی مسجده قیلسون نمازینی بلکه
اولا رضا عملیندن رضاسی مولانون
ائدنده سجده خدایه قالاردی حیرتده
تمام بحر و زمین و سماسی مولانون
بیلوردی کی اگر ائتسه نمازینی آغاز
مرادین اوغلی ویرار وار بلاسی مولانون
نمازینی ولی ائتدی شروع ولیِّ حقّ
ویروبدی خنجریله خاکپاسی مولانون
دَیَنده زهریلی خنجر باشیندان آنّیندان
توکولدی قانی بلشدی نماسی مولانون
گوروم بو کوفه نون اهلی بلایه دوشسونلر
کی اوردا اولمادی بیر هم صداسی مولانون
بو کوفه ده ایکی باشدان توکولدی خون خدا
بیری علیدی بیری ده بالاسی مولانون
اولکی قان او قانیدی کی آخدی محرابه
پوزولدی عدلیله بیرده اساسی مولانون
ایکیمجی قان او قانیدی کی نیزه اوستونده
توکولدی ظلمیله اولدی عزاسی مولانون
دئدی جانیم اولا یورقون جانو فداسی اَخا
گرکدی کی اولا زینب فداسی مولانون
بو کوفه اهلینون هئچ یوخ حیاسی آی قارداش
دیولّه خارجی قوم دغاسی مولانون
وئرور کنیزیمیز امِّ حبیبه ده صدقه
گرکدی آغلیا بوردا آناسی مولانون
او نیزه داره دیَن کاش اولا دالیمجا گله
گورنده آغلیورام وار یاراسی مولانون
یادا قاباخدا گئد تا باخا جماعت اونا
اقلآ آز باخا وار اقرباسی مولانون
حرملرون باش آچیقدور باخولّا کوفه لیلر
شمادتیله ، قوم بی وفاسی مولانون
عنایت ایله اماندور داریخدی الماسی
کی بلکه قسمت اولا کربلاسی مولانون
#حیدریه
#حیدریه_مدح
#حیدریه_شهادت
#کوفه
#نقدر_اوخونسا_قوتولماز_ثناسی_مولانون
#الماسی_اهری
#ترکی
✍️ #زبدةالاشعار ✍️
?: @nohe_torki
نظر دهید