زبدةالاشعار

حسين ياندوردی گل دشمن خيام آل طاهانی #غارت_خیام_هوشی_تبریزی

زبانحال حضرت زينب (س) درغارت خيام
.
.
مرحوم غلامعلی باقری الهام ( هوشی تبریزی)
.
.
حسين ياندوردی گل دشمن خيام آل طاهانی
قويوب اهل جفا آواره بو جمع پريشانی
حسين جانم حسين جانم حسین جانم حسین جانم
.
.
ويروب دستور غارت تا عمرسعد جفا پرور
خيام اوسته يُرش گتدی خيال غارته لشکر
توکولدی مخيمه قارداش حسين بيرعدّه غارتگر
نه غارتگر آتوب دينی دانوبلار جمله قرآنی
.
.
ويروبلار اود خيام عصمته يکسر خيم ياندی
قالوب اود ايچره خرگاه زنان مَه شيم ياندی
بو اوددان اود دوتوب عالم سراسر گر دیيم ياندی
يقينيم دور خلافی بو سوزون اولماز حسين جانی
.
.
خيام ايچره حسين گل گور بو نه شور و نه وحشتدور
قوپوب بير اوزگه غوغا گوئيا روز قيامتدور
يانوربيرياندا قارداش خيمه لر بيرياندا غارتدور
گورونموبدورجهاندا گورميوب کيمسه بوتالانی
.
.
گروه کينه پرور ظلمودن آفاقه اود سالدی
حسين گل هارداسان دشمن الينده عترتين قالدی
جسارت ايليوب دشمن روقيّه معجرين آلدی
گتوردی ناليه نی تک جفائيله او نالانی
.
.
بوغارتدن يازولدی عالمه بيراوزگه برنامه
بوجوروظلم دشمن تا جهان وار يتمز اتمامه
تجاوز اهل کفر ايلرحريم پاک اسلامه
گوررهر دورده اهل يقين هر ظلم دورانی
.
.
گروه پست فطرت ظلمودن هرگز حسين دويماز
جفاسين کامل ايلر جای نقصان ظلموده قويماز
کمک سیز اولسا بير کيمسه اونی دشمن مگرسويماز
سويول لار زينبی قارداش بوشام و کوفه دونانی
.
.
اولوب برپا قيامت کربلاده روز محشردور
نه محشرمحشرکبرا حسين بوحشره مظهردور
او محشر محشر صغرا ولی بو حشرِ اکبردور
اولور شرمنده گورسه حشر صغرا حشر کبرانی
.
.
اسوب باد خزان قارداش گلوم سيندی بوداقيندن
داخی بيرده بهاراولماز بو واضح دورسياقيندن
سکينه گوشوارين گل چخاردولّار قولا قيندن
ويروب گاهی يخار دشمن يره اول ديده گريانی
.
.
حسينيم داده گل جانه گتوردی غم من زاری
بسان ابرنيسان گوزلريم قان ياش ايدرجاری
چیخاردام ايستديم اوددان بالان سجّاد بيماری
دوتوب اود ياندی جانيم ای سريرعشق سلطانی
.
.
بلا صحراسیدور قزلار توکور رخسارینه قانیاش
قالوب قرخ مین قوشون ایچره بوبا شسیزعترتون قارداش
ابوالفضلين بوساعتده بو يرده ساق اوليدی کاش
ايديدی تا حمايت اهل بيته اول وفا کانی
.
.
گوزومده گوندوزوم قارداش جفائيله دونوب شا مه
سالوب صيّاد کين پرورحرم آهولرين دامه
چکورقول باغلی جبريله سنان و شمردون شامه
قضا ايلوب اسیر اهل با طل اهل دنيانی
.
.
منيم تک بيرکسون قارداش جها ندا باغری قا ن اولماز
فلک دوشسون مداريندن بيله دور زمان اولماز
جهاندا اهل باطل اهل دينه پاسبان اولماز
بوسوزمشهورعا لمدور داخی يوخ جای نقصا نی
.
.
غم ايّاميدن هرآن دل (هوشی) گلوب درده
حسين دردين بولن يوخدور ايده چاره چکرپرده
گلوب درگاهيوه آخرپريشان ودل افسرده
اوزوندن نا اميد ايتمه اونون وارسنده درمانی
.
.
.
#غارت_خیام #هوشی_تبریزی #ترکی #زبدةالاشعار

متن پیشنهادی:  بیچن حلقینی پیکان یارالی بالام ای وای #اصغریه_تائب_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی