اربعین
.
✍️ #زبدةالاشعار ✍️
.
🆔: @nohe_torki
.
علی هاشمی
.
نقطۀ عشقیوه بیجا دگی پرگار اولدوم
من الست عالمی بو دامه گرفتار اولدوم
.
جام عشقون که منی مست ایلیوب ائتدی خمار
جلوۂ یاری گوروب باده ده هوشیار اولدوم
.
عشقیمون نوری تجلا ایلدی روحیمده
بی گمان محو تجلای رخ یار اولدوم
.
هر بلایه که بلا سویلموسن روز ازل
منده جان نقدی دوتوب الده خریدار اولدوم
.
آرمانون ایله تاثیر ایلدی روحیمده
شکر اولا درگه معبوده حسین وار اولدوم
آشنا عشقیمه باخدی منه تحسین ایلدی
گرچه بیگانه بئله فکر ایلدی خوار اولدوم
.
سن شهید اولجاق اسارت علمین دوشه آلوب
تا سنان لشگره سرخیل علمدار اولدوم
.
خیمه لر یاندی داغلدی چوله نازلی بالالار
جان تک آغوشه آلوب حافظ بیمار اولدوم
.
منه بو منصبی لطف ایلدون ای میرحرم
تا کفیل حرم عترت اطهار اولدوم
.
یاتدون اول دشتیده انصار و بنی هاشمیله
سنله بو رمز معماده هم اسرار اولدوم
.
اوغلی قارداشی ئولن هر نه او چولده واریدی
جمع ایدوب باشیمه هر غم زدیه یار اولدوم
.
یولّانان گون اسرا قافله سی شامه طرف
باشیسز اهل حرمه قافله سالار اولدوم
.
کوبكو شهر به شهر حقّیوی تبلیغ ایلدیم
دشمن دینیله تا وارد پیکار اولدوم
.
حقه مظلومه حمایت ایلدیم هر یرده
كلمۀ حقی دیوب حقه طرفدار اولدوم
.
کوفه و شامی دوشوب باشوین آردینجا گزوب
باش وئرن گون کیمی تا داخل بازار اولدوم
.
قانلی باشون قباقا دوشدی اوگون رهبر اولوب
یارالی باشیله تا وارد تالار اولدوم
.
زنده دار شب اولوب چوخ گیجه لر یاتمازدیم
صبحه تک منزل ویرانه ده بیدار اولدوم
.
اوز الیمله بالاوا قبر قازوب دفن ایلدیم
قبرینه یازدیم آدون دیده سی خونبار اولدوم
.
قانلی باشون اوزی شاهد دی نه چکدیم او گیجه
بی جهت اولمادی من بیله دل افكار اولدوم
.
کهنه پیراهنوی عاقبت اللردن آلوب
یر ویروب سینمون اوستونده نگهدار اولدوم
.
دولت بختیم اولوب یار سعادت تاپدوم
اربعینونده گلوب قبریوه زوار اولدوم
.
«هاشمی» اولمادی گل زینت اولا گلشنیوه
ایش بله دوشدی نه اینکه دولانوب خار اولدوم
.
.
#اربعین_علی_هاشمی
#نقطۀ_عشقیوه_بیجا_دگی_پرگار_اولدوم
#ترکی
.
✍️ #زبدةالاشعار ✍️
.
🆔: @nohe_torki
نظر دهید