نه تک قراریمی الدن رخ نگار آپارور #اکبریه_صافی_تبریزی

وداع حضرت علی اکبر(ع)
.
✍️ #زبدةالاشعار ✍️
.
🆔: @nohe_torki
.
مرحوم صافی تبریزی
.
.
نه تک قراریمی الدن رخ نگار آپارور
امید وصلده بو قلبدن قرار آپارور
.
نه وصل یاره دوزوم وار نه فرقته طاقت
همی وصالی همی هجری اختیار آپارور
.
دوشور خیالیمه اوضاع روز عاشورا
قرار و صبریمی الدن نقدر وار آپارور
.
ویروب اجازه على اکبره امام حسین
سالوب قباقینه محبوبه بیر نثار آپارور
.
بویوردی گیت حرم اهلین اوغول وداع ایله
سوسوزلارین یانینا چشم اشکبار آپارور
.
او شاهزاده گلوب خیمه لر کنارینده
سسین اوجاندی او سس لیلیدن قرار آپارور
.
دیدی گلون گیدوری اکبری حلال ایلیون
دورانمورام منی شوق وصال یار آپارور
.
توکولدولر حرم اهلى اوشاق بیوک یکسر
گوروب او حالی قرار دل نگسار آپارور
.
آلوبلا دوره سینی هاله تک او ماه وشون
تمام فیض تماشانی یادگار آپارور
.
ویروبله سس سسه سسلردیلر على اکبر
بو کارزاره سنی هانسی انتظار آپارور
.
بو غربتیمیزه رحم ایله گیتمه میدانه
قالان تحمّل و صبری بو کار زار آپارور
.
بیری دیور آناوین حالینه ترحّم ایله
که روح لیلینی بو تیره روزگار آپارور
.
باجی چکور اتگیندن دیور نجه گیدوسن
بوحال مهر و محبتدن اعتبار آپارور
.
کناریدن ایله پر عاطفه باخوردی حسین
قرار اکبری گوردی او وضع کار آپارور
.
بویوردی اکبریمی بوشلیون کباب اولدی
جواندی صبرینی آلام بی شمار آپارور
.
دیمه فقط اوزی اکبر تک آیریلوب گیتدی
ایدوب کمک لری ویران و تار و مار آپارور
.
حسین قبرینه ای «صافی» منده مشتاقم
میسّر اولموری نیلسوم چوخ انتظار آپارور
.
#اکبریه_شهادت
#نه_تک_قراریمی_الدن_رخ_نگار_آپارور
#ترکی
.
✍️ #زبدةالاشعار ✍️
.
🆔: @nohe_torki