زبدةالاشعار

کعبه ی حقده مقام باصفاسان، یا علی #حیدریه_سیدعظیم_شیروانی

یا علی
.
✍️ #زبدةالاشعار ✍️
.
🆔: @nohe_torki
.
سید عظیم شیروانی
.
کعبه ی حقده مقام باصفاسان، یا علی
مشعر و میقات و ارکان مناسان، یا علی
.
مسجد اقصاده سن اولدون امام انبیاء،
انبیاء و اولیاده پیشواسان، یا علی
.
باطن پیغمبر ایدی باطنین ای سرّ حق
مقتداسان مقتدای انبیاسان، یا علی
.
مرحبین قتلینده گلدی سوی حقدن مرحبا
دهرده مستوجب صد مرحباسان ، یا علی
.
نور رخساریند ن اولدو دهر نورانی تمام،
معنی آیات شمس والضّحی سان، یا علی
.
نازل اولدو شأنیوه حین مِن الدّهر آ یه سی،
سنسن آسان افتخار هَل اَتی سان، یا علی
.
سائیلین ائتدین رکوعوندا عطا انگشترین،
اولدو ظاهر کیم ولیّ اِنّماسان، یا علی
.
مژدهی دیداروی حق وئردی اهل جنّته،
عالمه منظور اولان وجه لقاسان، یا علی
.
عین مشکات آیه سی االله نورون مظهری،
مظهر انوار حق، نور خداسان، یا علی
.
قصّۀ معراجی سن نقل ائیله دین پیغمبره
محرم سرّ حریم کبریاسان، یا علی
.
حؤکمووه یکسر مسخّردیر سنین جنّ و پری،
سنده دیر خاتم، سلیمان سخاسان، یا علی
.
خلقت عالمدن ای مولا وجودوندور غرض،
علّت غاییِ جمله ماسواسان، یا علی
.
سنده وار ای شاه عالم درد عصیان چاره سی،
عالمین دردینه بالله سن دواسان، یا علی
.
حکمت فئیضینله سن چوخ مسلری زر ایلدین،
جوهر اکسیر اعظم، کیمیاسان، یا علی
.
بخش قیلدین سائیله تا کیم قطار ناقه نی،
سؤیلدی قنبر کی«: دریای عطاسان، یا علی»
.
الامان ای شاه دریا دل، منه ائیله عطا
خاک پاییندان منی ائتمه جدا، سن، یا علی
.
دشت ارژنده سنی سلمان چاغیردی دادینا،
شیر الیندن ائیله دین آلدین رها سن، یا علی
.
حضرت هارونا سن ائتدین خلافت بی خلاف
ایله دین موسی عصاسین اژدها، سن، یا علی
.
رحلت پیغمبر آخر زماندان سونرا چوخ،
ساحت عالمده گؤردون ابتلا، سن، یا علی
.
بیعت ایچون گاه باغلاندی یداالله قوللارین،
گاه قالدین بیکس و بی اقربا ، سن، یا علی
.
گه دوشرسن مشکلات دهره ای مشکل گشا
یگه زمانه اهلینه مشکل گشاسان، یا علی
.
ایکی فرزند گرامیدور شُبیر و شبّرین،
صفحه ی توارتده سن ایلیاسان، یا علی
.
آدیوی وئرمیش نشان انجیل و تورات و زبور،
شکی یوخ کیم شاه عالم شنطیاسان، یا علی (1)
.
(1) شنطیا = فاتح و پیروز
.
#حیدریه_مدح
#کعبه_حقده_مقام_باصفاسان_یاعلی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  سوز آچیق سوزدور، توان یوخ منده شرح محنته #راه_شام_بهزاد_قاسمی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی