مصائب حضرت خیرالنساء فاطمة الزّهرا (س)
#گریز #شام_غریبان
.
.
.
مرحوم صحاف تبریزی
.
.
نه حالدیدی بو عالمده حالی فاطمه نون
او گون که گئتدی الیندن جلالی فاطمه نون
.
که یعنى ئولدى آتاسی قاپوسی باغلاندی
فزون اولوب غم و درد و ملالی فاطمه نون
.
نه شأنیده نه بلا کشلِقنده دنیایه
محالدور گله بیرده مثالی فاطمه نون
.
تصور ایلمه گلسون مقال و تحریره
بیان حال اسف اشتمالی فاطمه نون
.
اولوب زمانه ده اون سگزایل هامی عمری
دوشوب نه صورته گور وضع حالی فاطمه نون
.
بهار عمرینه تیز آفت خزان یتشوب
سارالدی گل کیمی سولدى جمالی فاطمه نون
.
آغاردی ساچلاری بار ملال و محنتدن
بوکولدی سرو قد اعتدالی فاطمه نون
.
قاپوسی یاندی قولی سندی باغری قان اولدی
حیاتینه یوخیدی احتمالی فاطمه نون
.
یتشدی صدمه اولوب محسنی شهید یتوب
سپهر عُمرده گون تک زوالی فاطمه نون
.
علیل اولوب بدنی شدّت ایلیوب مرضی
بلا و محنتی آرتوب بلالى فاطمه نون
.
گلوب عم اوغلوسی اگلشدی باشی اوستونده
یتن زماندا دم ارتحالى فاطمه نون
.
آلوب على سسین آچدی گوزینی شبنم تک
آخوب گل عارضنه اشگ آلى فاطمه نون
.
دیدی عم اوغلی منی گل حلال ایله ئولورم
بیانه یوخدی زیاده مجالی فاطمه نون
.
اگر چه وار نچه عرضیم بیانی لازمدور
ولیک شرحنه وار انفعالی فاطمه نون
.
گجیله غسلمى ویر قیل کفن یتور قبره
عم اوغلی جان بودور عمده خیالی فاطمه نون
.
جنازم اوستنه اولما رضا اولا حاضر
عدوی سخت دل بدفعالی فاطمه نون
.
وصیتن یتوروب آخره گوزین یومدی
مبدّل اولدی فراقه وصالی فاطمه نون
.
ویروبدی غسلنی شاه ولایت ایتدی کفن
جنازه دوره سین آلدی عیالی فاطمه نون
.
آنا جنازه سنی باسدی باغرینا زینب
گلوب فغانه ایکی نونهالی فاطمه نون
.
حسین اوقدر توکوب گوز یاشین گلوب داده
جنازه اوسته او شیرین مقالی فاطمه نون
.
گتوردی رقّته قلب بتولی اوج ایتدی
سپهره آه دل اتّصالی فاطمه نون
.
کفن ایچنده خانم بیر سزلدادی دلدن
توکولدی عارضه اشگ زلالى فاطمه نون
.
آچلدی بند کفن آچدی قولّارین زهرا
اوجالدی نُه فلکه ابتهالی فاطمه نون
.
حسینیله حسنی باسدی باغرینا جان تک
مزیّن اولدی یمین و شمالی فاطمه نون
.
حسینی باغرینا بیر یرده ده باسوب بو خانم
انین و ناله اولوب اشتغالی فاطمه نون
.
#گریز #شام_غریبان
.
گلنده شام غریبانه کربلا چولونه
کباب اولوب دل پر اشتعالی فاطمه نون
.
حسین جنازه سینی تاپدی بیر چوخور یرده
بویاندی قانیله زلف کلالی فاطمه نون
.
گوزی ساتاشدی او باشسیز جنازه نون الینه
دایاندی عرشه فغانی یارالی فاطمه نون
.
دیدی پیمبره بو چاک چاک پیکره باخ
دوشوی نه حاله بابا گور غزالی فاطمه نون
.
یازاندا بو سوزی «صحاف» آغلادون یازدون
اولور بو حالووه شامل نوالی فاطمه نون
.
حسین خاطرینه عفو ایدر گناهلرون
جزا گونونده حق لایزالی فاطمه نون
.
.
#فاطمیه_صحاف_تبریزی
#فاطمیه_شهادت #فاطمیه #صحاف_تبریزی
#نه_حالدیدی_بو_عالمده_حالی_فاطمه_نون
#ترکی
#زبدةالاشعار
نظر دهید