زبدةالاشعار

نه گوزلدور بو سخن زینت دفتر یازیلا #اکبریه_پریزاد

وصف جمال زیبای حضرت علی اکبر علیه السلام
.
✍️ زبدة الاشعار ✍️
.
🆔: @nohe_torki
.
اسماعیل پریزاد کلوانق
.
نه گوزلدور بو سخن زینت دفتر یازیلا
شرح حال رخ زیبای پیمبر یازیلا
یا که زیبایی روی علی اکبر یازیلا
اوگوزل صورتینون نوری پیمبر مثلی
شبه طاهادی دییرسن که او فرزند علی
.
.
یوزی اون دورت گیجه لیک آی مثل آیۀ نور
ایله بیل نوردوشوب جلوه لنوب سینۀ طور
هرباخان صورتینه آیۀ بسم الله اوخور
سورادان باشلار الفدن دییر الله اکبر
بارالها گوره سن زنده اولوب پیغمبر
.
.
عالم هستی یَه گلمز بو ملاحتده بشر
گل یوزی قدرت اللّهی بیزه واضح ایدر
ایله فکر ایله دوشوب بیر یره شمسیله قمر
عالمه نور سالور گول یوزونون شعشعه سی
ایله بیل ختم پیمبردی پیمبر نوه سی
.
.
قاشی مانند کماندور ایله بیل کیپریگی اوخ
جز پیمبر ایکی دنیاده برابر اونا یوخ
ایکی دنیایه برابر یارانوب بلکه ده چوخ
حوریان مات قالوب تیکموش اونون گوز گوزونه
جان باغشلاردی دانشسیدی هامی بیر سوزونه
.
.
لبلری لعلیدی دیشلر صدف و غنچه دهان
کاکلی باشدا اوتورموش ایله بیل تاج کیان
مه جبینوندن اولوب نورخداوند عیان
هر باخان صورتینه گوزلرینی بیع سالوری
ایله سیماسی گوزلدور هامودان جان آلوری
.
.
بوغده ای رنگی یوزونده ایله بیل سنبولودی
ندی داود بو اونداندا گوزل بلبلودی
گلده یوخدور بو لیاقت دیمورم بیر گلودی
میوۀ جنت هارا فکر ایله گور اکبر هارا
یوسف مصری هارا اشبه پیغمبر هارا
.
.
یوسفون دوزدی که حسنون هامی دنیا بگنوب
یوزونه عاشق اولوب دوزدی ذلیخا بگنوب
اکبرون گل یوزونی حضرت زهرا بگنوب
بو پسندیدۀ عالمدی گل فاطمه دی
نچه یوسف کیمیلر محضرینه خادمه دی
.
.
مات اولوب گوردی یوزون کیم قالوب انگشت بدهن
گشته خالی دل افسرده و از درد و محن
قالوب حیران دانشا بیلمدی تعریف دیین
گوردولر اکبر اگر اشبه پیغمبریموش
بس بیری شرح ایده بیلمز که پیمبر نییموش
.
.
ختم پیغمبره خاطر بو جهان تاپدی حیات
گل گناه است ویریلسین اونا گل مثلی صفات
برجمال گل گلزار محمد #صلوات
بو گل احمدی دنیا باشینا سایه سالوب
بس علی اکبر اوزی جدینه خاطر یارانوب
.
.
ای پریزاد سوزون سر بسر احمد یازیلا
ایکی دنیا بویی تعریف محمد یازیلا
سین یاسینیده مَدّین مَثلی مَد یازیلا
اوجالا طارم اعلایه سوزون مد مثلی
آزدی گلمزداخی دنیایه محمد مثلی
.
.
#اکبریه_مدح #اکبریه_صلوات
#نه_گوزلدور_بو_سخن_زینت_دفتر_یازیلا
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  جان ویرن وقته حسن قارداش قوجاقنده باشی #حسنیه_مضطر_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی