نچّه ایللر آختاروب بیر نازلی دلبر تاپمیشام #حیدریه_نظمی_تبریزی

مدح حضرت علی (ع)
.
✍️ #زبدةالاشعار ✍️
.
🆔: @nohe_torki
.
نظمی تبریزی
.
نچّه ایللر آختاروب بیر نازلی دلبر تاپمیشام
عشق دریاسینده بیر قیمتلی گوهر تاپمیشام
.
من وطنده خسته بیر قوش تک گرفتار اولموشام
بوقفسدن ایستیرم پرواز ائدم پر تاپمیشام
.
گئتدی شادلیق، ایندی جانانین غمیلن اوینورام
آخر عمرومده یاخشی یار و یاور تاپمیشام
.
آستینین توتمارام گر شاه هفت اقلیم اولا
افتخار آستان بوسیّ حیدر تاپمیشام
.
من هارا بیجا مقام و منصب آختارماق هارا
منصب مدّاحی آل پیمبر تاپمیشام
.
گورمه سم بیر کیمسه نی شایسته توصیف ائتمه رم
من بو مولانی هامی سرورلره سر تاپمیشام
.
«نظمی» اولماق زحمت ایستر وادی فكرتده من
ائتمیشم بیر عمر، تا دیوان و دفتر تاپمیشام
.
.
.
#حیدریه_نظمی_تبریزی
#حیدریه_مدح
#نچه_ایللر_آختاروب_بیر_نازلی_دلبر_تاپمیشام
#ترکی
.
✍️ #زبدةالاشعار ✍️
.
🆔: @nohe_torki