شهادت امام حسین و کوچ از کربلا (ع)
..
..
..
مرحوم کهنمویی
..
..
..
نیزیه باشلار ورولدی ظلمه نقصان اولماسون
آشکار اولسون حقیقت خلقه پنهان اولماسون
..
..
..
..
دین آدیله دینی محو ایلوردی لامذهب یزید
نشر قرآن اولسون اما حکم قرآن اولماسون
..
..
..
..
ایستدی فرعون بلامانع یتیشسون مقصده
سویلدی موسی گلوب حق دینوزی تغییر ایده
یا که ایجاد ایلیه بو مصرده بیر مفسده
سعی ایدون بو مقصد و مقصوده امکان اولماسون
..
..
..
..
خرمن فرعونه اولدی هنده اوغلی خوشه چین
خلقی اغوا ایلدی بو نحویله ای اهل دین
گورموسوز ایلور حسین شقّ عصای مسلمین
ایستور اوندان غیریسی اسلامه سلطان اولماسون
جانشین تعیین ایدوب شخصاً خلیفه سیزلره
الده بیر شمشیر برّاندور حریفه سیزلره
دائما سرمشقدور حکم سقیفه سیزلره
حکمران آل علیدن خلقه بیر آن اولماسون
..
..
..
..
ایلدی ظاهر على اولادینه اوز کینه سین
قویمادی پنهان ئورکده کینۀ دیرینه سین
یولّادی رشوه شریح قاضیه زر کیسه سین
تا امام ئولدورماقی بی اصل و برهان اولماسین
..
..
..
..
چوخلارا دنیاده شیطان عزّت بی جا ویروب
تؤلادی دینسیز شریحه وعدۀ دنیا ویروب
پولاری آلدی حسینون قتلینه فتوی ویروب
هانسی دنیا خواهی گوردون عبد شیطان اولماسون
..
..
..
..
نشر اولوب هر یرده فتوا آشکار اولدی خبر
حاکم و مفتی هر شهره ویریلدی سیم و زر
دینیده قتل حسین واجب اولوب قانی هدر
کیمده وار جرأت مطیع امر و فرمان اولماسون
..
..
..
..
رسم دنیادور عوامه سیم و زر اولماز نصیب
دین آدیله جاهلی توؤلار اولان دینه رقیب
کورکورانه اولار تابع دگول امرعجیب
هانسی نافهمیده انساندور که حیوان اولماسون
..
..
..
..
ویردیلر مژده گلون حقدن حمایت وار سیزه
ئولسوز ئولدورسوز بیلون اجر شهادت وار سیزه
ئولمه سوز قالسوز غنیمت واردی غارت وار سیزه
کسب فیضه هانسی مؤمندور شتابان اولماسون
..
..
..
..
ایتدیلر جسم حسینی قطعه قطعه چاک چاک
بو ثوابه یتمینلر اولدولار بس خشمناک
داش وراردی یا آتاردی هر گلن بیر مشت خاک
تا اولا ایمانی کامل ناقص ایمان اولماسون
..
..
..
..
گورمه میشدی باجی قارداش نعشینون اوضاعینی
قتلگهده گوردی باشسیز پیکر شان شانینی
زخمنه مرهم بیلوبدور اشک خون افشانینی
قلبینه اولسون تسلّی دل پریشان اولماسون
..
..
..
..
عرض حاجت ایتدی بیله بنت زهرای بتول
هر غمه یارب خریداروخ بیز اولاد رسول
بو سوسوز قربانی ایله آل طاهادن قبول
ایتدیقی عهد اولسون ایفاء نقص پیمان اولماسون
..
..
..
..
حاضرم منده بو یولدا عهدیمه ایفاء ایدم
دست بسته ناقه اوسته شام و شامانه گیدم
قوّۀ ایمانیمی سفیانیانه گورسَدَم
ایلیم رسوا یزیدی شاد و خندان اولماسون
..
..
..
..
کهنموئی اولدی اجراء زینبون برنامه سی
دین یولوندا رخت عزتدور اسارت جامه سی
درس عبرتدور حسینون کربلا هنگامه سی
مؤمن آلسون درس دینی اهل عصیان اولماسون
..
..
..
#حسینیه #کهنمویی #حسینیه_شهادت #ترکی #زبدةالاشعار #کوچ_کربلا_کوچ_کربلا_کهنمویی #ریاضی_تبریزی
نظر دهید