نینوا آی نینوا کربلا آی کربلا #کربلا_مژده_اردبیلی

کربلا آی کربلا
.
.
.
مژده اردبیلی
.
.
نینوا آی نینوا کربلا آی کربلا
تربتی خاک شفا کربلا آی کربلا
.
.
کاروان درد وغم غرق اندوه و اَلم
سنده ای خاک شفا شهریار ذوالکرم
خیمه گاه عزتین گلدی تا ائتسون علم
باشلاسین شور و نوا کربلا آی کربلا
.
.
ای دیار عزتیم سرزمین شوکتیم
یوخ سوزوم کی قلبیده سندن آرتارمحنتیم
غم شریکی زینبیم هم شریک نهضتیم
آغلیار صبح و مسا کربلا آی کربلا
.
.
سنده ای دشت الم تشنه قیزلار سقاسی
عبد صالح قارداشیم لشکر غم عباسی
نهر علقم فاتحی قویدی حیران الیاسی
تاپدی کی آب بقا کربلا آی کربلا
.
.
سنده ای دشت الم اکبریم قانه باتار
قاسم ابن مجتبی یاوریم قانه باتار
اللریم اوسته سوسوز اصغریم قانه باتار
تیترر عرش کبریا کربلا آی کربلا
.
.
صبریمی الدن آلار چون گل خندان بالام
بیر ایچیم سو اوستونده بیر قوزی قربان بالام
اوخ بوغازین پارچالار جان وئرر عطشان بالام
باشلارام نی تک نوا کربلا آی کربلا
.
.
گوزلریمدن عذاره سیل محنت باغلارام
قان بوغازیندن سوزر قلب زاری داغلارم
اللریم اوسته بالام جان وئرر قان آغلارام
دردیمه اولماز دوا کربلا آی کربلا
.
.
گل هرایه سسلرم کان غیرت عبّاسی
قوللاری تندن قلم غرق محنت عبّاسی
نهر آب اوسته دوشموش سرو قامت عبّاسی
جانینه جانیم فدا کربلا آی کربلا
.
.
ماه محنت اشعارین (مژدۀ) نالان یازدی
قاره کوینک اگنینده سینه سی سوزان یازدی
حالی پوزقون محنتدن دیده سی گریان یازدی
گوردی غملی ماجرا کربلا آی کربلا
.
.
.
#کربلا #مژده_اردبیلی
#نینوا_آی_نینوا_کربلا_آی_کربلا #ورود_محرم
#ترکی
#زبدةالاشعار