نوحه جناب علی اکبر (ع)
.
.
✍️ #زبدةالاشعار ✍️
.
🆔: @nohe_torki
.
مرحوم نادری میانجی
.
اولاندا صبح عاشورا حسیندن اکبر آیریلدی
گورن سویلر بو امّتدن یقین پیغمبر آیریلدی
.
.
عقاب اوسته دیوب اکبر منه سرور خداحافظ
عمو عباس ای قاسم ، عمو جعفر خداحافظ
سکینه، زینب و کلثوم، سوسوز اصغر خداحافظ
آتا مظلوم بی لشگر ، اوغول بی یاور آیریلدی
.
.
خدایا چوخ یامان گوندور گیده رعنا اوغول الدن
حسین بیر باغبان اولسا أوزولدی اللری گلدن
گوزی شهلا قدی رعنا نجه آیریلدی بو ائلدن
حسینون روحیدودر اکبر گیدور پیکردن آیریلدی
.
.
دالیجا دوشدی چون حضرت آتا بو هجره تاب ایتمز
حزین سسله دیور اوغلوم آتاسن تک قویوب گیتمز
اوغولدا گر وفا اولسا باباسن گوزلر اینجیتمز
ایاق ساخلا علی گیتمه گوزومدن اخگر آیریلدی
.
.
توقّف ایلیوب اکبر گلوب سلطان مظلومان
بویوردی ای اوغول صبر ایت گوروم ای خسرو خوبان
صمیمِ قلبله ویردوم سنی من امّته قربان
گیدوب طاقت اوغول مندن سنون تک سرور آیریلدی
.
.
خلیل کربلایم من اولار قربانلقیم قابل
گوره بو قدّ رعنانی سنه فخر ایلر اسماعیل
آنان لیلاده هاجر تک اولار بو شهرته شامل
یتوب ناله سماواته اوغول مادردن آیریلدی
.
.
یری بو آخر عمرونده باخوم بیر قدّ رعنایه
آتایم حسرتیم واردور باخام بو چشم شهلایه
یانار قلبیم منیم اکبر آنان بیچاره لیلایه
سنون تک بیر دلآرادن نجه اول مضطر آیریلدی
.
.
سوزوم یوخدور اوغول قوی گیت داخی میدانه بسم الله
شهیدِ اوّلِ هاشم اولان اوغلوم جزاک الله
یولوندا گچدوم اکبردن ئوزون، سن شاهد اول الله
حسین جدّی پیمبردن دیرسن حیدر آیریلدی
.
.
یتوب میدانه شهزاده آچوب یوزدن نقاب اکبر
گمان ایتدی قشون اهلی گلوبدور رزمه پیغمبر
دوشوب شمشیر لر الدن اولوب یاغی بوتون لشکر
عمر سعد ستمگردن عموماً لشکر آیریلدی
.
.
آچوب نطق گهربارین : منم اول مرتضى اوغلى
آنامدور زهرۀ زهرا وصیّ مصطفی اوغلی
آدیم شهزاده اکبردور خلیل کربلا اوغلی
منم بیر یوسف ثانی گُلوندن نوبر آیریلدی
.
.
ولى بیر احتیاجیم وار میّسر اولسا سیزدن گر
منه بیر مشک سو وئرسوز سوسوزدور آل پیغمبر
ایجوب سیراب اولا قیزلار عطشدن ئولمیه اصغر
بو سوزده رحممیز لشکر یریندن صفلر آیریلدی
.
.
گلوب دریا کیمی موجه قوشون مغلوبه جنگ اولدی
حسینون نامدار اوغلی او دریاده نهنگ اولدی
گورنده تلین اوستونده حسینه عرصه تنگی اولدی
حسینون قلبینه دگدی دیرسن نشتر آیریلدی
.
.
یازوبلا نادری دوشدی علی اکبر بو سودایه
گوتوردی قانلو کاغذده یازوب بیر نامه صغرایه
یولومی گوزلمه باجی توجه ایله لیلایه
بو گون سندن باجی صغرا على تا محشر آیریلدی
.
.
.
#اکبریه_نادری
#اکبریه_شهادت
#اولاندا_صبح_عاشورا_حسیندن_اکبر_آیریلدی
#ترکی
.
✍️ #زبدةالاشعار ✍️
.
🆔: @nohe_torki
نظر دهید