نیه یاتموسان بو نوعی قوری یرده اکبر اوغلوم #اکبریه_کاتب_اردبیلی

زبانحال شاه تشنه جگر در سر نعش علی اکبر (ع)
.
✍️ #زبدةالاشعار ✍️
.
🆔: @nohe_torki
.
#سبک_سو_یوخومدی_قزلاروندان …
.
مرحوم کاتب اردبیلی
.
نیه یاتموسان بو نوعی قوری یرده اکبر اوغلوم
دور ایاقه خیمه گاهه گئدک ای هنرور اوغلوم
.
.
آچ او قانلی گوزلرون بیرمن بینوانی دیندیر
بو غریب آتون اولوبدور غم فرقتونده دلگیر
.
.
.
دئ گوروم سنی بو حاله على سالدی هانسی ظالیم
که نه قدر باخسام آرتار داخی محنت مالیم
سن ائدنده عزم میدان سنیلن گلوب خیالیم
گوزون آچ سسیمه سس وئر منی قویما مضطر اوغلوم
.
.
بئله یاتماقون سبب سیز دگل ای مه مدینه
بیلورم چوخ اینجدوبدور سنی بو گروه کینه
باخار ایندی خیمه لردن یولوا باجون سکینه
سنون آدوی دلینده ائلیوبدی ازبر اوغلوم
.
.
بو فنا جهاندا نیلوم سنیچون طوى ائتمدوم من
اورگیمده قالدی حسرت داخی کامه یتمدون سن
بو چتیندی نعشون اوسته ائلیم فغان شیون
من بینوایه کیملر اولاجاقدی یاور اوغلوم
.
.
آنون ایندی خیمه لرده گلی دمبدم نوایه
قییدنده رزمگهدن نه دیوم او بینوایه
دوزه جک نه نوعی بیلمم ای اوغول بو ماجرایه
سالاجاقدی فرقتونده باشا قاره معجر اوغلوم
.
.
علیجان من اگلشنده سن اوتورمازیدون اصلا
گورورم که خسته قیلمش سنی بو گروه ترسا
قان آخوب یارالاروندان داخی سنده یوخ توانا
من بیکسی بو حالون ائلیوب مکدر اوغلوم
.
.
بیلورم سنی آت اوسته بیر عمودیله ویروبلار
او عمودیله منیمده اوره گیمی یاندیروبلار
سنی دوغریانلار ایندی بودی صف چکوب دوروبلار
ایده جک شهید بیلّم منیده بو لشگر اوغلوم
.
.
گئجه گوندوز آغلا «کاتب» غم شاه انس جانه
که اونون غمینده گلدی یر و گوی هامی فغانه
بویوروردی قتلگهده علی اکبر جوانه
نیه یاتموسان بونوعی قوری یرده اکبر اوغلوم
.
.
#اکبریه_کاتب_اردبیلی
#اکبریه_شهادت
#نیه_یاتموسان_بو_نوعی_قوری_یرده_اکبر_اوغلوم
#ترکی
.
✍️ #زبدةالاشعار ✍️
.
🆔: @nohe_torki