خطاب به امام زمان(عج) در شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم …4 سبک ( یه سوال دارم مگر ما دل نداریم ای خدا … اذن ویر یا رب گله مهدی امید هل اتی … مولا ، آقا ، عجل علی ظهورک … )
.
مرحوم سید حسین رجائی
.
هارداسان آغلار گوزون قربانی یا صاحب زمان
دولدروب زهرا غمی دنیانی یا صاحب زمان
.
.
اشقیا بیر ظلم ایدوب حیران قالوبدور ماسوا
حشر اولونجا شیعه نی آغلار قویوب بو ماجرا
ظلمه باخ اود دوتدی یاندی مهبط وحی خدا
غصّه مرگ ایتدی آنان زهرانی یا صاحب زمان
.
.
بیر خانم زهرا که پیغمبر باساردی باغرینا
سسلنوردی جدّینون جانی فدا اولسون بونا
ایلیوبدور بی وفا امّت عجب حرمت أُونا
سیر قیل حقّنده گور ایذانی یا صاحب زمان
.
.
تازه گئتمیشدی الیندن عزت شاهانه سی
خسته و رنجوریدی پیغمبرین ریحانه سی
صبر ایدوب دولدی غمیله صبرینون پیمانه سی
قویمادی ناقص قالا پیمانی یا صاحب زمان
.
.
هر بلا گلدی دایاندی دوردی خسته جانیله
نازنین قلبی لبالب دولدی لخته قانیله
چوللری ایلردی مسکن ناله و افغانیله
آغلادوب حوریلری افغانی یا صاحب زمان
.
.
رسم عالمدور یتیمه هامّونون قلبی یانار
بیر نفر گورسه یتیم آغلور اورکدن اودلانار
هانسی بیر مسلم یتیمون حقّ مشروعین دانار
دانسا انکار ایلیوب قرآنی یا صاحب زمان
.
.
بیر مسلمان ال گوتورمز شیوۀ اسلامیدن
یؤز چوؤورمز دین اسلامه گلن احکامیدن
دین اسلام امر ایدیر حامی اولون ایتامیدن
وار بو یرده جدّوون فرمانی یا صاحب زمان
.
.
گوندورب اسلامیانه حکم خلاق رحیم
شاهدیم بسدور اونا آیات قرآن کریم
چوخ صراحتله دیر «لاتأکلو مال الیتم»
بیر «فلا تقهرده» وار عنوانی یا صاحب زمان
.
.
آلدیلار زهرانون اما حقّین الدن برملا
ناتوان جسمین ایدوبلر هر بلایه مبتلا
دؤزدی دین اوسته مبادا خدمتی ناقص قالا
ثابت اولدی عشقنون میزانی یا صاحب زمان
.
.
مسجده گتدی خانم زهرا پریشان حالیله
باشداکی مقصودیله قلبنده کی آمالیله
خطبه ایراد ایلدی خلقه گوزل منوالیله
گور خانیمدا قوّۀ ایمانی یا صاحب زمان
.
.
.
خطبه سینده گه پیمبر گه خدادن یاد ایدوب
مجلسین اهلینده بیر تشویش دل ایجاد ایدوب
پوزدی تشکیلات ظلمی عدل ایوین آباد ایدوب
خدمتنده قالمادی نقصانی یا صاحب زمان
.
.
بیر زمان ال چکمدی دین حقه ارشادیدن
ایلدی خلقی ملامت فتنه و افسادیدن
هر طرفده ائتدی شکوه فرقۀ بیدادیدن
حق سوزین وار ناحقه رجحانی یا صاحب زمان
.
.
سوزلرین پخش ایلدی هر یاندا بیر منظوریله
عاقبت حقّین آلوب گلدی دل مسروریله
یولدا ثانی آنلادی آلدى الیندن زوریله
آغلادوب غم خسرو بطحانی یا صاحب زمان
.
.
نه مصیبت حادث اولدی اوردا بین راهیده
کیمده قدرت واردی عین ماجرای کشف ایده
بعضی سوزلر وار گرک بو سینه ده قبره گیده
یاخشدور بو مطلبین کتمانی یا صاحب زمان
.
.
تاپشوروبدور خلقه شارع جملۀ احکامیده
بیر جماعت محترمدور گردش ایّامیده
ناخوشی ویرمازلا شرعاً نهی وار اسلامیده
ویردیلار محبوبۀ یکتانی یا صاحب زمان
.
.
صادق آل محمددن یازوبلار بوسوزی
مطلبین صدقینده شاهد دور ایکی آغلار گوزی
کشف اولور مفهوم سوزدن ئولمیوب زهرا أؤزی
ئلدوروبلر عصمت کبرانی یا صاحب زمان
.
.
وار یری زهرانی غصه مرگ ایده بوماجرا
حجت الله صورت زهرا هارا سیلی هارا؟
باخمادی سیلی ویران نیک و بده واردور جزا
ایتمدی باور یقین عقبانی یا صاحب زمان
.
.
اهل شام و کوفه گویا اوردا سرمشق آلدیلار
اوندا کی کرب و بلاده طبل غارت چالدیلار
آت دؤشؤنده چوللره آل عبانی سالدیلار
ویردیلار صدّیقۀ صغرانی یا صاحب زمان
.
.
کوفیان بی وفا شرط وفانی داندیلار
ویردیلار اود خوردا قزلار اود دوتوب اودلاندیلار
سویدولار آل عبانی ظلمی آسان ساندیلار
پوزدولار ویردوخلاری امضانی یا صاحب زمان
.
.
چوخ «رجائیله» قزین تاپشوردی جدّون امته
ایستدی اجر رسالت بیر محبّت عترته
حیف اولا امّت سالوبدور عترتی چوخ زحمته
ساتدیلار ادنایه چون اعلانی یا صاحب زمان
.
.
.
.
#فاطمیه_رجایی_تبریزی
#فاطمیه_شهادت #مهدیه_فاطمیه #فاطمیه_مهدیه
#هارداسان_آغلار_گوزون_قربانی_یا_صاحب_زمان
#ترکی
.
✍️ #زبدةالاشعار ✍️
.
🆔: @nohe_torki
نظر دهید