کوفه
زبانحال حضرت زینب (س)
.
.
.
مرحوم جوانشیر (خادم)
.
.
هاردا بویانوب گل یوزون آیا کوله قارداش
کول سوزشی تاثیر ایلیوبدور گله قارداش
.
.
ای گل یوزی دین گلشنینه مایۀ نزهت
وی سنده هویدا هامی اسرار حقیقت
هانسی شل اولان ال اوزونه ویردی جسارت
آغشته جمالون ایلیوبدور کوله قارداش
.
.
ای جان جهان فخر زمان آیت سبحان
ای وجهۀ دین مظهر حق هیکل ایمان
ای جانین ایدن شوقیله اوز دینینه قربان
دردون گله ای کاش بو خونین دله قارداش
.
.
عرشه یری وار اوج ایلسین نالۀ جانکاه
بیر بیله جفالر که ایدور فرقۀ گمراه
ای ایسّی کول اوستونده خسوفه چکیلن ماه
حالوندی پوزان حالیمی نه سلسله قارداش
.
.
کیم گتدی وجوده یارالی باشدا بو حالی
کول بدر جمالوندا سالوب نقش هلالی
دردوندن اولور ایلیه سن زینبی حالی؟
ممکندی اگر لطف ایله گل بیر دله قارداش
.
.
گر زینبیوه ایلمیسن لطف و عنایت
گل فاطمه نین حالینی سن ایله رعایت
دیندیر بو صغیره قیزون ای رحمته آیت
قالمور او قدر شدّت غمدن اُله قارداش
.
.
ای کعبۀ جان قبلۀ دل قائد والا
وی جایگهون دوش نبی عرشیدن اعلی
بیر جلوه ویروب عترتیوه غمده تسلّی
گورجاق سنی جان تاپدی سنق قافله قارداش
.
.
ای ایزد یکتایه اولان آیت اعظم
تکریمینه ای قامت افلاک اولان خم
بیکارون اولوب گور نجه آلامیله همدم
هر محنته وار اوندا عجب حوصله قارداش
.
.
هرچند که سجّاده اولوب ظلم مکرّر
امّا دلینی شکویه آچموبدی برادر
دیندیر اونی آل گوگلونی ای عالمه سرور
یوخ درد دلین سن کیمی بیر کس بوله قارداش
.
.
یوخ بیر نفر امداد ایلیه آل عبایه
یوخ باشیمیز اوسته سالینا مهریله سایه
بو غمده نوامیس حرم دلده نوایه
هرچند گلوب، ایتمیوب امّا گله قارداش
.
.
منده گله حاشا ایلیم درد و المدن
هرقدر ستم یتسه اگر اهل ستمدن
امّب خبرون واردی شها صاحب علمدن؟
شهلر یانیجا خوشدی وزیری گله قارداش
.
.
انصافیدی باشوندا اولا تازه جراحت
محملده قالا زینبیوین باشی سلامت
گوردوم بو دگل رسم مواسات و شراکت
ووردوم باشیمی شدّتیله محمله قارداش
.
.
جانیم اولا قارداش یارالی بیر باشا قربان
خشکیده لبیله اوخوری نیزه ده قرآن
بو طرزیله اوز نیّتینی ایلیه عنوان
جان ویردی سوسوز اگمدی باش باطله قارداش
.
.
هر کیمسه که دنیاده گرفتار بلادی
وار بیزده گوزی دردینه محتاج دوادی
«خادمده» بو دربار شه عشقه گدادی
بیر پای اوزون احسان ایله اول سائله قارداش
.
.
.
.
#کوفه
#هاردا_بویانوب_گل_یوزون_آیا_کوله_قارداش
#جوانشیر #خادم
#ترکی
#زبدةالاشعار
نظر دهید