هدفدن غافل اولماز کیم جهاندا اهل دقتدی #حسینیه_منتظری

فَاعتَبِروا یا اولوالالباب
پندیات – قتلگاه
..
..
منتظری شریف آباد
..
..
هدفدن غافل اولماز کیم جهاندا اهل دقّتدی
بیلور انگیزه خلقتدن خداونده عبادتدی
..
عبَث بیر ایش حکیمِ مُطلقه حاشا دگول جایز
طبیعی امرلردن هرنه وار مبناسی حکمتدی
..
گذشت روزگار و اتّفاقات جهان تک تک
اگر دقّت اولا فکر اهلینه اسباب عبرتدی
..
گلوب بو عرصۀ خاکه گئدوب برجَسته انسانلار
بیزه ثابت ایدوب دنیا محلِّ کوچ و رحلتدی
..
بویورموش مُخبِر صادق بشر باغلانما دنیایه
که دنیا واپسین دنیایه امکانِ زراعتدی
..
دگول کافی فقط ایمان بلی صالح عمل ایستر
شفاعت باعثی عقباده خالقدن اطاعتدی
..
کفایت ایلمز عارف بشر جنّات موعوده
ندای ارجعی معبود دن مافوق جنّتدی
..
عطش خاموش ائدن کوثر دگول، ساقیّ کوثردی
که کوثرده رهین منّت قرآن و عترتدی
..
دئدی فُزتُ وَ رَبِّ الکعبه بیتِ کعبه نون اوغلی
بو فُزت جمله سی تفسیر اعلایِ شهادتدی
..
عبادت شهدِنی هرکس دادا دویماز عبادتدن
حسینون حالی مقتلده دلیل بو حقیقتدی
..
بدن یاره جگر عطشان دَلوبدی قلب ائوین پیکان
او احوالی بیلور دلدارله هنگام خلوتدی
..
نفس چئخمور ملائک آغلاشور راز و نیازینه
سمائی قدسیان قدّوسیان مغلوب رِقّتدی
..
گلور هردم قولاقه خیمه لردن العطش صوتی
نجه صبر ایلسون آیا کسی که کان غیرتدی
..
باخور تلّه طرف گویا رَمَقسیز قان دولان گوزلر
دیور هاردا قالوب عبداللّهوم چون وقت هجرتدی
..
عزیز فاطمه یاسیّدی لا یومَ کَیومِک
قلم الده ئولونجه «منتظر» غرق مصیبتدی
..
..
#حسینیه #منتظری #پندیات_منتظری #حسینیه_شهادت #ترکی #زبدةالاشعار #پندیات