بسته شدن آب فرات
.
#زبدةالاشعار
.
: @nohe_torki
.
#سبک_احوالیمیز_یاماندی … 10 سبک
.
مرحوم زائر تبریزی
.
هرکس بوگون سو گورسه سالسون حسینی یاده
سو یولّاری بو گونده باغلاندی کربلاده
.
.
سعد اوغلی ویردی فرمان اول سنگدل صفوفه
کسدی ره فراتی اشرار شام و کوفه
سولدی بوگون سوسوزدان اطفال چون شکوفه
اولاد مصطفانون اولدی غمی زیاده
.
.
سو جامی اللرینده اطفال ماه رخسار
محزون و دلشکسته یکسر بنات اطهار
آغلادیلار عطشدن بی یار و بی هوادار
باتمیشدیلار ملاله اول دشت پُر بلاده
.
.
یوز ویردی اوزگه بیر حال اول جمع بی پناهه
لب تشنه لر فغانی اوج ایتدی مهر و ماهه
یتدی علاوه بیر غم اول شاه کم سپاهه
شور و نوا اوجالدی صحرای نینواده
.
.
سولدی سارالدی گُل تک اطفال ماه پاره
اظهار حال ایدوبله عبّاس نامداره
عرض ایلدی سکینه ایله عمو نظاره
یوخ کیمسه اهلبیتی سالسون بو وقت یاده
.
.
اطرافینی فراتین اعدای دین آلوبدور
سوز عطش بناتی نه حاله گور سالوبدور
سو یوخدی خیمه لرده قزلار سوسوز قالوبدور
غمدن بیزی کنار ایت بو دشت غم فزاده
.
.
ابر بهاری تک گور گوزلر نجه دولوبلار
بسکه سوسوز قالوبلار غنچه صفت سولوبلار
ایلوبله ناله از بس بی اختیار اولوبلار
نه صبر وار نه طاقت اولاد مصطفاده
.
.
دور مشکوی گوتور بیر ایله گذر فراته
بیر شربه سو گتور سن بو تشنه لب بناته
دریای غمده غرقوخ سال کشتی نجاته
ای ناخدای دوران لطف ایت ره خداده
.
.
یوخ آل مصطفانون بیر کیمسه دادخواهی
سن سن بو اهلبیتین بو عرصده پناهی
افلاکه اوج ایدوبدی آل رسولین آهی
بو سوز و آه و ناله تأثیر ایدر جماده
.
.
انصافدور مگر بو آخسون فرات اویاندا
پیغمبر اهلبیتی قالسون سوسوز بویاندا
یوخ شرم اهلبیتی بیله سوسوز قویاندا
نه رحم وار نه انصاف اعدای پر جفاده
.
.
«زایر» مه عزادور ایّام غم فزادور
صاحب عزا خدا دور یاز آغلا حقّ رضادور
بو شاه کربلا دور بیر منبع عطادور
اخلاصیله چوخ آغلا هر صبح و هر مساده
.
.
#فرات #زائر_تبریزی
#هر_کس_بو_گون_سو_گورسه_سالسون_حسینی_یاده
#ترکی
.
#زبدةالاشعار
.
: @nohe_torki
نظر دهید