هر زمان حالیوی سالدوقجا خیاله آنا جان #فاطمیه_علومی_تبریزی

شهادت حضرت زهرا (س)
زبانحال امام زمان (عج)
.
.
علومی تبریزی
.
.
هر زمان حالیوی سالدوقجا خیاله آنا جان
آغلارام قان ائدرم شیون و ناله آنا جان
.
بیر امانت سنیدون امّته پیغمبردن
شمس عمرون نیه تئز یتدی زواله آنا جان
.
سنی تاپشوردی اوزی امّته گئتدی او جناب
کیم رسا قدّیوی دوندردی هلاله آنا جان
.
ویردولار اوت قاپووا صدمه یتیشدی بالاوا
ثانی ظلمون یتوروب حدّ کماله آنا جان
.
نه ایدی نیّتی بیر عدّه نی توکدی قاپووا
علّت اصلی ندی جنگ و جداله آنا جان
.
نه سبب اولدی سنه یولدا ال آچدی ثانی
که دوشوب صورت مه پاره وه هاله آنا جان
.
دئمه دی عورتی وورمازلا حیا ایلمدی
سن یخلدون یره دوغراندی قباله آنا جان
.
او آز عمریله قوجالدون بو فنا دنیاده
گرد غم پرده چکوبدی او جماله آناجان
.
قبره تابوتیوی گیزلین گجه وقتی آپاروب
حسنین آغلادی یاندی او ملاله آنا جان
.
انتقام آلماسام اولماز دل زاریم آرام
انتظارم یته حقدن بو حواله آنا جان
.
بیزده عرض ایلروخ ای گلشن اسلامه صفا
محسنون گل قانین آل شاد اولا معنا آنا جان
.
.
#مهدی #مهدیه_فاطمیه #فاطمیه #فاطمیه_مهدیه #فاطمیه_شهادت #ترکی #علومی_تبریزی